तनहुँ, १ फागुन । पन्यु तताएर विद्यार्थीको गालामा डामेको आरोपमा प्रहरीले एक शिक्षिकालाई पक्राउ गरेको छ । कक्षा कोठामा होहल्ला गरेको भन्दै बुधबार कक्षा चारमा पढ्ने चारजना विद्यार्थीलाई शिक्षिका सुष्मा श्रेष्ठले पन्यु तताएर विद्यार्थीको गालामा डामेको उनीमाथी आरोप छ ।
घटनाको आरोपमा भिमाद नगरपालिका स्थित प्रभात एकेडेमीकी शिक्षिका ३४ वर्षीया सुष्मा श्रेष्ठलाई पक्राउ गरिएको तनहुँका प्रहरी निरीक्षक राजु अधिकारीले बताए । उनका अनुसार पन्यु तताएर डाम्दा कक्षा ४ मा अध्ययनरत १० वर्षीय एक बालकको गालामा गहिरो घाउ भएको छ । अन्य तीनजनालाई धेरै चोट लागेको छैन ।
Advertisement
Advertisement
Advertisement
कक्षाकोठामा विद्यार्थीले होहल्ला गरेका र आफूलाई काली भनेको आक्रोशमा शिक्षिकाले क्यान्टिनबाट पन्यु तताएर कक्षा कोठामा ल्याएर विद्यार्थीलाई डामेको पाइएको उनले बताए ।
पक्राउ परेकी शिक्षिकालाई बुधबार तनहुँ जिल्ला अदालतबाट पाँच दिनको म्याद थप गरेर अनुसन्धान अघि बढाइएको प्रहरीले जनाएको छ ।
