भैरहवा, १२ चैत। रुपन्देहीको सिद्धार्थनगर नगरपालिकामा डल (गुडिया) र कुसन बनाउने तालिम सुरु भएको छ। गरिबी निवारणका लागि लघु उद्यम विकास कार्यक्रम (मेडपा) अन्र्तगत पालिकाको वडा नम्बर १२ मा एक महिने डल (गुडिया) र कुसन बनाउने तालिम सुरु भएको हो।
कार्यक्रम अन्र्तगत सहभागीहरुको रोजाई र इच्छा अनुसार डल (गुडिया) र कुसन बनाउने तालिम संचालन गरिएको सिद्धार्थनगर नगरपालिका कार्यालयका सामाजिक विकास शाखा प्रमुख लक्ष्मण गिरीले बताए।
Advertisement
Advertisement
Advertisement
प्रत्येक वर्षमा पालिकाको दुई वटा वडा उक्त कार्यक्रम संचालन हुने गर्दछ । चालु आर्थिक वर्षमा पालिकाको वडा नम्बर १२ र १३ छनौट भएको नगरपालिकाको कार्यालयले जनाएको छ।
नगरपालिकाका अनुसार वडा नम्बर १२ मा ३० जनाको सहभागितामा तालिम सुरु भएको छ भने वडा नम्बर १३ मा बैशाखमा तालिम संचालन हुनेछ।पालिकावासीलाई स्वरोजगार र आत्मनिर्भर बनाउने उद्देश्यले पालिकामा गरिबी निवारणका लागि लघु उद्यम विकास कार्यक्रम संचालन गरिएको उनले जनाए ।
गत वर्ष पालिकाको वडा नम्बर ७ र ९ मा मेडपा कार्यक्रम संचालन भएको थियो । जसमा करिब ५५ जना सहभागीहरुलाई विभिन्न सीपमूलक तालिम प्रदान गरिएको थियो।