भैरहवामा ‘महिला लेजेण्ड टी–२० सिरिज’ सुरु

भैरहवा, २५ चैत। रुपन्देहीको भैरहवामा पूर्वमहिला क्रिकेट खेलाडीहरुबीच ‘महिला लेजेण्ड टी–ट्वान्टी सिरिज’ सुरु भएको छ। नेपालमा पुरुष लेजेण्ड क्रिकेट हुँदै आए पनि मुलुकमा पहिलो पटक महिला लेजेण्ड प्रतियोगिता सुरु भएको हो।

सन् २००७ र २००९ मा खेलेका पूर्वराष्ट्रिय र अन्तर्राष्ट्रिय महिला खेलाडीहरुको छुट्टाछुट्टै टिम बनाएर सिरिज आयोजना गरिएको छ। सोमबार सिद्धार्थ क्रिकेट रंगशालामा भएको खेलमा सन् २००९ को लेजेण्ड महिला टिम ५ विकेटले विजयी भएको छ। जितका लागि पाएको ८३ रनको लक्ष्य सन् २००९ टिमले ८ ओभरमा ५ विकेट गुमाएर पूरा गर्दै जित निकाल्यो। उसको जितमा सरु पुनले ४१ र शोभा आलेले १४ रनको योगदान गरे। बलिङमा सन् २००७ टिमका सुस्मिता चौधरी र निराराज उपाध्यायले समान १–१ विकेट लिए।

Advertisement Advertisement

Advertisement Advertisement

Advertisement Advertisement

टस जितेर ब्याटिङ रोजेको सन् २००७ को टिमले निर्धारित २० ओभरमा ८ विकेट गुमाएर ८२ रनको सामान्य योगफल बनाएको थियो। उक्त टिमका लागि निराराज उपाध्यायले २३ तथा मधु थापा र नेरी थापा मगरले समान १३–१३ रन बनाए। बलिङमा सन् २००९ को टिमका करुणा भण्डारीले ४, सोनु खड्काले २ तथा रितु कनौजिया र सीता शाहीले १–१ विकेट लिए ।

रुपन्देहीको कोटहीमाई गाउँपालिकामा रहेको योलो ड्रिकिङ वाटरको आयोजना र रुपन्देही क्रिकेट संघको सहआयोजनामा सिरिज सुरु भएको हो। दुई दिनसम्म चल्ने सिरिजमा मुलुकभरबाट पूर्वक्रिकेटर महिला खेलाडीहरु भैरहवा आएका छन्। उक्त सिरिजमा लेदर बलको प्रयोग गरिएको छ ।