काठमाडौं,१साउन। नेपाल प्रहरीको प्रहरी प्रधान कार्यालयले प्रहरी नायब उपरीक्षक (डीएसपी) हरुको काज सरुवा गरेको छ । जसमध्ये चार जिल्लाका इन्चार्जहरुलाई समेत हेरफेर गरिएको छ ।
सरुवा सूची अनुसार सशस्त्र प्रहरी गण नम्बर-१ मा कार्यरतमा डीएसपी राजु लामालाई भोजपुरमा पठाइएको छ भने भोजपुरमा कार्यरत युवराज तिमल्सिनालाई नक्साल स्थित सशस्त्र प्रहरी गण नम्बर-१ मा ल्याइएको छ ।
Advertisement
Advertisement
Advertisement
कास्कीको वडा प्रहरी कार्यालय बैदाममा नवराज भट्टराई, मोरङको इलाका प्रहरी कार्यालय पथरीमा तुल्सीराम अर्याल, इलाका प्रहरी कार्यालय चन्द्रनिगाहापुरमा रुपा लावुङलाई जिम्मेवारी दिइएको छ।
सल्यानमा हेम केसी, अछाममा ओम प्रकाश खनाल र बझाङमा खगेन्द्र धमलालाई सरुवा गरिएको छ भने सिंहदबार सुरक्षा गणमा सिद्धराज न्यौपाने, पर्यटक प्रहरी कार्यालय भृकुटीमण्डपमा कृष्ण ओझालाई पठाइएको छ ।
कमेन्ट गर्नुस्
