भैरहवा,२० कात्तिक। रुपन्देही प्रहरीले सार्वजनिक शान्ति सुव्यवस्थामा खलल पुर्याएको आरोपमा सात जनालाई नियन्त्रणमा लिएको छ।
जिल्ला प्रहरी कार्यालय रुपन्देहीबाट खटिएको प्रहरी टोलीले उनीहरुलाई सिद्धार्थनगर नगरपालिका–१, बेलहिया क्षेत्रबाट नियन्त्रणमा लिएको जारी प्रेस विज्ञिप्तीमा उल्लेख छ।
Advertisement
Advertisement
Advertisement
प्रहरीका अनुसार, नियन्त्रणमा पर्नेमा पर्साको वीरगञ्ज महानगरपालिका–३२ का २८ वर्षीय अनु कुमार नट, सोही स्थानका ३४ वर्षीय सुमन सिंह र ७० वर्षीय अनिल राय रहेका छन्।
त्यसैगरी, बाराको बारागढी गाउँपालिका–३ का १९ वर्षीय सरोज कुमार पासवान, पर्साको पटेर्वा सुगौली गाउँपालिका–४ का ३६ वर्षीय विजय राय नट, पर्साकै पकहाँ मैनपुर गाउँपालिका–५ का ३९ वर्षीय रामबाबु राय र गुल्मीको इस्मा गाउँपालिका–१ की ३४ वर्षीया मिना कुमारी कुमाललाई पनि प्रहरीले नियन्त्रणमा लिएको छ।
प्रहरीले घटनाका सम्बन्धमा थप अनुसन्धान भइरहेको जनाएको छ।
