काठमाडौं,९ साउन। नेपालमा गत आर्थिक वर्ष २०८२/८३ मा १२ लाख ९ हजार ३५७ विदेशी पर्यटकहरुको आगमन भएको छ।
नेपाल पर्यटन बोर्डका अनुसार, भारतबाट सबैभन्दा धेरै ३ लाख ११ हजार ५३१ पर्यटक आएका छन्। त्यसपछि संयुक्त राज्य अमेरिकाबाट १ लाख ११ हजार ३२५ र चीनबाट १ लाख ९ हजार ८९२ पर्यटक नेपाल आएका छन्।
Advertisement
Advertisement
Advertisement
त्यसपछि बंगलादेशबाट ५८,१६३ बेलायतबाट ५६,६४९ अष्ट्रेलियाबाट ५३,१९५ श्रीलंकाबाट ४३,२११ भुटानबाट ३६,२८९ म्यानमारबाट ३०,७३७ जर्मनीबाट २९,२९६ थाइल्यान्डबाट २७,२०१ जापानबाट २५,७६२ तथा मलेसियाबाट २५,६४० पर्यटक नेपाल आएका छन्।
गत आर्थिक वर्षमा सबैभन्दा बढी पर्यटक कात्तिकमा १ लाख २४ हजार ८२९ आएका थिए। त्यसपछि चैतमा १ लाख १९ हजार ३९०, फागुनमा १ लाख १४ हजार १५२ र असोजमा १ लाख ११ हजार ७८० पर्यटक आगमन भएको नेपाल पर्यटन बोर्डले जनाएको छ।
बोर्डका निमित्त कार्यकारी प्रमुख हिक्मत सिंह ऐरले अन्तर्राष्ट्रिय बजारमा गरिएको पर्यटन प्रवर्द्धन, हवाई पहुँचको विस्तार तथा निजी क्षेत्रसँगको सहकार्यका कारण पर्यटक आगमनमा सकारात्मक वृद्धि भएको बताए।
उनले आगामी दिनमा उच्च खर्च गर्ने पर्यटक आकर्षित गर्ने, बसाइ अवधि बढाउने तथा परम्परागतसँगै नयाँ अन्तर्राष्ट्रिय बजारमा नेपालको पर्यटन प्रवर्द्धनलाई थप प्रभावकारी बनाइने जानकारी दिए।
