काठमाडौं,६ कात्तिक। अर्थमन्त्री स्वर्णिम वाग्लेले नेपाल र भारतबीचको सम्बन्ध निकै घनिष्ठ र विशेष रहेको बताएका छन्। भारतको नयाँदिल्लीमा आयोजित एनडीटीभी वर्ल्ड समिटमा बोल्दै उनले दुई देशबीच कहिलेकाहीँ उतारचढाव आए पनि सम्बन्धको आधार बलियो रहेको उल्लेख गरे।
उनले नेपाल र भारतबीच कहिलेकाहीँ समस्या देखिए पनि त्यसले समग्र सम्बन्धलाई कमजोर नबनाउने बताए। उनले भने, ‘कहिलेकाहीँ उतारचढाव आउन सक्छन्, तर हामी एकअर्कासँग अभिन्नरुपमा जोडिएका छौं।’
Advertisement
Advertisement
Advertisement
वाग्लेले प्राकृतिक विपद्का बेला भारतले नेपाललाई गर्दै आएको सहयोगको प्रशंसा गर्दै प्रधानमन्त्री बालेन्द्र शाह नेतृत्वको सरकारले द्विपक्षीय सम्बन्धलाई थप सुदृढ बनाउन चाहेको बताए। उनले प्रधानमन्त्री शाहको सम्भावित भारत भ्रमणले दुई देशबीचको सम्बन्धलाई नयाँ उचाइमा पुर्याउने विश्वास व्यक्त गरे।
उनले दक्षिण एसियाली मुलुकबीच व्यापार, पर्यटन र आर्थिक सहकार्य विस्तार गर्नुपर्नेमा जोड दिँदै भारतको आर्थिक विकासबाट नेपालले पनि लाभ लिन सक्ने बताए। विशेषगरी भारतीय मध्यमवर्गको बढ्दो जनसंख्याले नेपालको पर्यटन क्षेत्रमा नयाँ अवसर सिर्जना गर्ने उनको भनाइ थियो।
