गोरखा, २ कात्तिक। बूढीगण्डकीको बाढीले बगाएको गोरखा र धादिङ जोड्ने आरुघाटको मोटरेबल पुल ६ दिनमै मर्मत गरिएको छ। पुलको क्षतिग्रस्त भागमा २२ मिटर लामो र चार मिटर चौडाइको बेलिब्रिज जडान गरेपछि सवारी आवागमन सुरु भएको हो।
गत असोज २५ गते आएको बाढीले पुलको गोरखातर्फको भाग बगाएपछि आरुघाट बजार र पृथ्वीराजमार्गबीचको आवागमन अवरुद्ध भएको थियो। दसैँका बेला उत्तरी गोरखाका बासिन्दालाई आवतजावतमा समस्या भएपछि गोरखा सडक योजना कार्यालय र नेपाली सेनाले संयुक्त रुपमा मर्मतको काम गरेका हुन्।
Advertisement
Advertisement
Advertisement
गोरखा सडक योजना कार्यालयका प्रमुख विनोद पुनका अनुसार रातदिन काम गरेर पुल मर्मत सम्पन्न गरिएको हो। पुलको दुवैतर्फ जीप तयार गर्ने काम कार्यालयले गरेको थियो भने नेपाली सेनाले डेक सेटिङको काम गरेको थियो।
बूढीगण्डकीको सहायक खोला उङ्गिलुङमा पहिरोले पानी थुनिएर एक्कासि आएको बाढीले पुलको एक भाग बगाएको थियो।
