बुटवल, २७ असोज। रुपन्देहीस्थित बुटवल उद्योग वाणिज्य संघको अध्यक्षमा नरिश्वर शर्मा पौडेल निर्वाचित भएका छन्। मंगलबार बिहान सम्पन्न मतगणनाअनुसार पौडेलले ८ सय ३३ मत प्राप्त गर्दै अध्यक्ष पदमा निर्वाचित भएका हुन्।उनका निकटतम प्रतिस्पर्धी टंकप्रसाद गैरेले ६ सय १ मत प्राप्त गरे।
निर्वाचन समितिका अनुसार, संघको वरिष्ठ उपाध्यक्षमा सुरज भट्टराई निर्वाचित भएका छन्। उनले ७ सय २४ मत प्राप्त गर्दा उनका प्रतिस्पर्धी विमलराज भट्टराईले ६ सय ९८ मत पाए ।
Advertisement
Advertisement
Advertisement
त्यस्तै, उद्योग उपाध्यक्षमा दीनेश श्रेष्ठ ७ सय १२ मत प्राप्त गर्दै विजयी भएका छन्। उनका प्रतिस्पर्धी निर्मित कसजुले ६ सय ९३ मत प्राप्त गरे। वाणिज्य उपाध्यक्षमा मुक्तिप्रसाद अधिकारी निर्वाचित भएका छन् । अधिकारीले ७ सय १९ मत प्राप्त गर्दा उनका प्रतिस्पर्धी बाबुराम विश्वकर्माले ७ सय मत पाए।
संघको महासचिवमा बसन्तप्रसाद ढकाल निर्वाचित भएका छन् । उनले ७ सय १४ मत प्राप्त गर्दै जमुना पौडेललाई पराजित गरेकी हुन्। जमुना पौडेलले ७ सय २ मत प्राप्त गरेकी छन्।
कोषाध्यक्षमा टिकाराम बञ्जाडे निर्वाचित भएका छन्। उनले ७ सय ३८ मत प्राप्त गर्दा उनका प्रतिस्पर्धी प्रतिक पोखरेल (शर्मा) ले ६ सय ७३ मत पाए ।
संघको सचिवमा दीपकप्रसाद चापागाइँ निर्वाचित भएका छन्। उनले ७ सय ५२ मत प्राप्त गरे । उनका निकटतम प्रतिस्पर्धी काशीराम शर्मा पौडेलले ६ सय ४८ मत प्राप्त गरे।
त्यस्तै, सहकोषाध्यक्षमा कमला पोखरेल शर्मा पराजुली (मञ्जु) निर्वाचित भएकी छन् । उनले ८ सय ६८ मत प्राप्त गर्दै जाकिर हुसेनलाई पराजित गरेकी हुन् । हुसेनले ५ सय ४२ मत प्राप्त गरेको निर्वाचन समितिले जनाएको छ।
