भैरहवा, ३ माघ ।
लुम्बिनी प्रदेशको यातायात सम्बन्धी समस्या समाधानबारे सिंहदरबारमा छलफल भएको छ । लुम्बिनी प्रदेशका उद्योग तथा यातायात व्यवस्था मन्त्री सरोज थापा (रोज राणा) ले संघीय भौतिक पूर्वाधार तथा यातायात व्यवस्था मन्त्री प्रकाश ज्वालासँग छलफल गरेका हुन् ।
छलफलका क्रममा चालक अनुमति पत्र सहज रुपमा तत्काल दिनेबारेमा केन्द्रित भएर छलफल भएको थापो जानकारी दिए । उनले प्रदेशभित्र चालक अनुमति पत्र छपाइ प्रदेशलाई नै दिन केन्द्र सरकारसँग आग्रह गरेको जनाए ।
Advertisement
Advertisement
Advertisement
सो क्रममा मन्त्री ज्वालाले लुम्बिनी प्रदेशका मन्त्री थापाले उठाएको विषयबारे आफू सकारात्मक रहेको बताए । मन्त्री ज्वालाले चालक अनुमति पत्र छपाइ र सहज रुपमा सेवाग्राहीलाई उपलब्ध गराउन कसरी सकिन्छ भनेर सात प्रदेशका यातायात मन्त्रीहरूलाई बोलाएर छलफल गरेर ठोस निर्णय गर्ने समेत बताएका छन् ।
यसअघि मन्त्री थापाले आफ्नो प्रदेशभित्र चालक अनुमतिपत्र लिने क्रममा परीक्षार्थीले आफ्नै सवारी साधन प्रयोग गर्न पाउने निर्णय गराएका थिए । यस्तै झोलामा ट्रायल सेन्टर बोकेर हिँड्नेलाई कानुनी दायरामा ल्याउन पनि उनले पहलकदमी लिएका छन् ।
