भैरहवा, ४ माघ। रुपन्देहीमा कुटपिटबाट एक भारतीय नागरिकको मृत्यु भएको छ । मृत्यु हुनेमा भारत गोरखपुरका ४० वर्षीय निष्ठुरी केवट रहेको प्रहरीले जनाएको छ ।
प्रहरीका अनुसार जिल्लाको सियारी गाउँपालिका-७ हिरागञ्जस्थित न्यू कामना ईँटा उद्योगमा परिवारसहित कार्यरत रहेका केवट र उद्योगमै ट्याक्टर चालकको रुपमा कार्यरत सियारी गाउँपालिका-६ का १९ वर्षीय कृष्ण केवटबीच वादविवाद भई कुटपिट भएको थियो ।
Advertisement
Advertisement
Advertisement
झैझगडामा कृष्णले ईँटाले हान्दा गम्भिर घाइते भएका निष्ठुरीको बुटवलस्थित लुम्बिनी प्रादेशिक अस्पतालमा उपचारको क्रममा बिहीवार राति मृत्यु भएको जिल्ला प्रहरी कार्यालय रुपन्देहीका डीएसपी एवं सूचना अधिकारी सुरज कार्कीले बताए ।
आरोपी कृष्णलाई पक्राउ गरेर घटनाका सम्बन्धमा अनुसन्धान भइरहेको जिल्ला प्रहरी कार्यालय रुपन्देहीले जनाएको छ ।
कमेन्ट गर्नुस्
