काठमाडौं,१० कात्तिक। नेकपा एमालेका अध्यक्ष केपी शर्मा ओलीले नेपाली समाजमा आफ्नै देशका विद्वानहरुको योगदानलाई पर्याप्त रुपमा चिन्न र सम्मान गर्न नसक्ने प्रवृत्ति रहेको बताएका छन्।
मंगलबार काठमाडौंमा मदन भण्डारी स्मृति प्रतिष्ठान नेपालको स्मारिका लोकार्पण कार्यक्रममा बोल्दै अध्यक्ष ओलीले नेपाली विद्वानहरुले प्रस्तुत गरेका तर्कपूर्ण र तथ्यमा आधारित लेखनलाई उचित महत्त्व नदिने प्रवृत्ति रहेको उल्लेख गरे।
Advertisement
Advertisement
Advertisement
उनले आफ्ना ग्रन्थ तथा लेखहरुमा नेपाली लेखकहरुको तुलनामा विदेशी विद्वानका उदाहरण बढी प्रस्तुत गर्ने परिपाटी रहेको धारणा व्यक्त गरे।
अध्यक्ष ओलीले भाषा, संस्कृति, कला र वाणीमा घुलमिल भएको व्यक्तिले समाजप्रति सकारात्मक सोच राख्नुका साथै मानवतावादी दृष्टिकोण अपनाउन सक्ने बताए।
उनका अनुसार ज्ञान र विद्वता मात्रले मानिसलाई असल बनाउन पर्याप्त हुँदैन। पर्याप्त ज्ञान भएका व्यक्तिहरुमा समेत असल आचरण र मानवतावादी भावना नहुँदा उनीहरु समाज र छिमेकीका लागि पीडादायी बन्न सक्ने ओलीको भनाइ थियो।
