भैरहवा, १४ असार । माध्यमिक शिक्षा परीक्षा (एसईई) २०८१ को नतिजामा रुपन्देहीको आठ स्थानीय तहका विद्यार्थीहरुमध्ये ८८ जनाले ४ जीपीए प्राप्त गरेका छन् ।
जिल्लामा १६ स्थानीय तह छन् । जसअनुसार अन्य आठ वटा पालिकामा ४ जीपीए ल्याउनेको संख्या शून्य रहेको छ ।
Advertisement
Advertisement
Advertisement
एसईई नतिजाको स्थानीय तहगत विवरण अनुसार बुटवल उपमहानगरपालिकाका ४६, तिलोत्तमा नगरपालिकाका २० सैनामैना नगरपालिका १०, सिद्धार्थनगर नगरपालिकाका तीन, सियारी गाउँपालिकाका तीन विद्यार्थीले चार जीपीए अंक प्राप्त गरेका छन् ।
त्यस्तै देवदह नगरपालिकाका दुई, शुद्धोधन गाउँपालिका दुई र कंचन गाउँपालिकाका एक जना गरी जिल्लामा कुल ८८ जना विद्यार्थीहरुले ४ जीपीए प्राप्त गरेको शिक्षा विकास तथा समन्वय इकाइ रुपन्देहीले जनाएको छ ।
नतिजामा ४ जीपीए ल्याउन नसक्नेमा ओमसतिया गाउँपालिका, मायादेवी गाउँपालिका, मर्चवारी गाउँपालिका, सम्मरीमाई गाउँपालिका, कोटहीमाई गाउँपालिका, लुम्बिनी सांस्कृतिक नगरपालिका, रोहिणी गाउँपालिका र गैडहवा गाउँपालिकाका रहेका छन् । जिल्लामा कुल १७ हजार ७ सय चार जना विद्यार्थीहरु परिक्षामा सहभागी भएका थिए ।
