सुर्खेत,७ साउन । आर्थिक लाभ लिने उद्देश्यले ‘हनी ट्रयाप’ मा पारी १४ लाख २५ हजार रुपैयाँ असुलेको आरोपमा प्रहरीले एक युवतीलाई पक्राउ गरेको छ ।
पक्राउ पर्नेमा नौमूले गाउँपालिका–८ दैलेख घर भई हाल सुर्खेतको वीरेन्द्रनगर नगरपालिका–९ को २१ वर्षीया सिन्दु चन्द रहेको प्रहरीले जनाएको छ।
Advertisement
Advertisement
Advertisement
प्रहरीका अनुसार ०८१ भदौमा मनोज कोइरालालाई वीरेन्द्रनगर–६ सुर्खेत बुद्धपथस्थित बुलबुले भ्यू होटलमा बोलाई एकापसको चिनजान र सहमतिमा सम्बन्ध राखेकी थिइन् ।
उक्त सम्बन्धलाई आर्थिक लाभ लिने मनसायले जबर्जस्ती करणी मुद्दामा फसाइ दिन्छु र सामाजिक सञ्जाल तथा मिडियामा नाङ्गो फोटो राखिदिन्छु भनी डरत्रास देखाएर कोइरालाबाट पटकपटक गरी १४ लाख २५ हजार असुल गरेको जिल्ला प्रहरी कार्यालय सुर्खेतका प्रवक्ता एवं प्रहरी नायब उपरीक्षक मोहनजङ्ग बुढथापाले जानकारी दिए।
उनका अनुसार पीडितसँग रकम असुली गरेको भन्ने प्रमाणसहित प्राप्त जाहेरीपश्चात् प्रहरी टोलीले उक्त कसुरमा संलग्न ती महिलालाई पक्राउ गरेको हो । पक्राउ परेकी अभियुक्त चन्दलाई आर्थिक लाभ (एक्सटर्सन) लिएको कसुरमा आवश्यक अनुसन्धान अघि बढाइएको प्रहरीले जनाएको छ।