दाङ,२० भदौ। दाङमा फुटबल प्रतियोगितामा दुई समूहबीच झैझगडामा खुकुरी प्रहार गरेर घाइते बनाएको आरोपमा प्रहरीले पाँच जनालाई पक्राउ गरेको छ ।
पक्राउ पर्नेहरुमा दाङको तलसीपुर उपमहानगरपालिका–५ बसपार्क का १९ वर्षीय नवीन राना, तुलसीपुर–६ गोखौराका १८ वर्षीय बसन्त परियार, सोही स्थानका १८ वर्षकै राजेश परियार, १८ वर्षीय नवीन सुनार र १८ वर्षीय जीवन विक छन्।
Advertisement
Advertisement
Advertisement
खुकुरी प्रहार गरी रक्षाचौरस्थित जंगलमा लुकेको अवस्थामा पक्राउ परेका उनीहरुको साथबाट १ थान खुकुरी, खुकुरीको दाप र फुटेको हेल्मेट बरामद भएको इलाका प्रहरी कार्यालय तुलसीपुरका डीएसपी अनिल ठकुरीले बताए ।
बिहीवार तुलसीपुरमा खसी कप फुटबल प्रतियोगिताको आयोजना गरिएको थियो। उनका अनुसार श्री सेन्टर माविका विद्यार्थीले फुटबल खेल्ने क्रममा विनोद विक र वसन्त परियारबीच आपसमा झगडा भएको थियो। खेल सकिएपछि वसन्त परियार समूहका मान्छेले राति साढे १० बजेतिर स्याउलीबजार स्थित बाटोमा अर्को समूहका व्यक्तिलाई खुकुरी प्रहार गरेको आरोप छ ।
खुकुरी प्रहारबाट आयुष विक, विनोद विक, प्रवेश योगी घाइते भएको डीएसपी ठकुरीले बताए। घाइते आयुष र विपिनको नेपालगञ्ज मेडिकल शिक्षण अस्पतालमा उपचार भएको र घटनाका सम्बन्धमा आवश्यक अनुसन्धान अघि बढाइएको प्रहरीले जनाएको छ ।
