वैदेशिक रोजगारीमा पठाइदिने भन्दै ६५ लाख ठगी, तीन जना समातिए

काठमाडौं,२२ भदौ। आकर्षक तलबको प्रलोभनमा पारेर वैदेशिक रोजगारीका लागि विभिन्न देश पठाइदिन्छु भन्दै रकम ठगी गरेको आरोपमा प्रहरीले तीन जनालाई पक्राउ गरेको छ ।

पक्राउ पर्नेहरुमा प्युठान नौ बहिनी गाउँपालिका-१ का ३४ वर्षीय विशाल बुढा मगर, झापा बुद्ध शान्ति गाउँपालिका-२ का ३० वर्षीय निकेश ढुंगाना र महोत्तरी गौशाला नगरपालिका-९ का ४४ वर्षीय योगेन्द्र सिंह दनुवार रहेको प्रहरीले जनाएको छ। प्रहरीले उनीहरुलाई विभिन्न स्थानबाट पक्राउ गरेको हो ।

Advertisement Advertisement

Advertisement Advertisement

Advertisement Advertisement

काठमाडौँ उपत्यका अपराध अनुसन्धान कार्यालयका अनुसार पक्राउ परेका विशालले क्यानडा पठाइदिन्छु भन्दै २ जना पीडितहरुबाट १५ लाख ३० हजार रुपैयाँ, निकेशले युके पठाइदिन्छु भन्दै १ जना पीडितबाट ४१ लाख रुपैयाँ र योगेन्द्रले अल्बानिया पठाइदिन्छु भन्दै १ जना पीडितबाट ९ लाख ३४ हजार रुपैयाँ लिएर सम्पर्कविहीन भएका थिए ।

उनीहरुलाई आवश्यक अनुसन्धान तथा कारवाहीको लागि वैदेशिक रोजगार विभाग ताहाचल काठमाडौँ पठाइएको प्रहरीले जनाएको छ ।