भैरहवा,६ पुस। रुपन्देही प्रहरीले भारतबाट अवैध रुपमा भन्सार छलेर भित्राइएको विभिन्न सामग्री बरामद गरेको छ।
जिल्ला प्रहरी कार्यालय रुपन्देही र मातहतका प्रहरी टोलीले विभिन्न स्थानमा गरेको चेकजाँचका क्रममा भन्सार छलेर भित्राइएको करिब ३ लाख १६ हजार रुपैयाँ बराबरका विभिन्न सामग्री बरामद गरेको हो।
Advertisement
Advertisement
Advertisement
प्रहरीका अनुसार सिद्धार्थनगर नगरपालिका-१ बसपार्कबाट १ लाख ६ हजार मूल्यका लेदर ज्याकेट र मोटरसाइकलका पार्टपुर्जा, तिलोत्तमा नगरपालिका-९ मंगलापुरबाट १० हजार बराबरका खाद्यान्न सामग्री तथा रोहिणी गाउँपालिका-२ पिप्रहियाबाट १ लाख ४ हजार मूल्यको ओल्ड मंक मदिरा र युपी ५६ बी ९५९२ नम्बरको भारतीय नम्बर मोटरसाइकल नियन्त्रणमा लिइएको छ।
बरामद गरिएका सबै सामग्रीहरु आवश्यक कारबाहीका लागि भैरहवा भन्सार कार्यालय बेलहिया पठाइएको जिल्ला प्रहरी कार्यालय रुपन्देहीले जनाएको छ।
कमेन्ट गर्नुस्
