भैरहवा, १३ फागुन । रुपन्देही प्रहरीले बुटवल उपमहानगरपालिकाबाट बिलबिजक नभएको अवस्थामा दुई वटामा गाडीबाट मदिरा बरामद गरेको छ ।
जिल्ला प्रहरी कार्यालय रुपन्देहीले जारी गरेको विज्ञप्ती अनुसार, बुटवलको सुख्खानगर स्थित मैत्रीपथमा लु २ च ४९३५ र लु २ च ५०७८ नम्बरको गाडीमा मदिरा रहेको सूचना आधारमा गाडी चेकजाँच गर्दा बिल बिजक नभएको ७७ पेटी (३६९६ थान) मदिरा बरामद भएको हो ।
Advertisement
Advertisement
Advertisement
बरामद मदिरा करिब १० लाख ७८ हजार मूल्य बराबरको रहेको प्रहरीले जनाएको छ । बरामद मदिरा र नियन्त्रणका लिइएको दुवै गाडी आवश्यक कारवाहीका लागि राजस्व अनुसन्धान कार्यालय बुटवलमा पठाइएको जिल्ला प्रहरी कार्यालय रुपन्देहीले जनाएको छ ।
कमेन्ट गर्नुस्
