भैरहवा,१४ असार। रुपन्देही प्रहरीले भारतबाट अवैध रुपमा भन्सार छलेर भित्राइएको करिब २४ लाख मूल्य बराबरको सेलफोन बरामद गरेको छ ।
जिल्ला प्रहरी कार्यालय रुपन्देहीका सूचना अधिकारी एवं प्रहरी नायब उपरीक्षक कृष्ण कुमार चन्दद्वारा जारी विज्ञप्तीका अनुसार, इलाका प्रहरी कार्यालय बेलहियाबाट खटिएको टोलीले ओमसतिया गाउँपालिका-४ बालापुरमा लु ५३ प ३३९८ नम्बरको स्कुटर चेकजाँचको क्रममा २३ लाख ९० हजार मूल्य बराबरको ३८ थान सेलफोन बरामद गरेको हो। बरामद सबै सेलफोन एप्पल कम्पनीका विभिन्न मोडेलका आइफोन हुन्।
Advertisement
Advertisement
Advertisement
बरामद सेलफोन र स्कुटर आवश्यक कारवाहीका लागि भन्सार कार्यालय बेलहिया पठाउने प्रक्रियामा रहेको प्रहरीले जनाएको छ।
कमेन्ट गर्नुस्
