नवलपरासी पश्चिम,१६ भदौ। भोटेकोशी नदीमा आएको विनाशकारी बाढीपछि नारायणी नदीमा फेला परेका ६८ जनाको शव सुनवल नगरपालिकास्थित सामुदायिक वनमा जमिनमुनी व्यवस्थापन गरिएको छ।
उक्त नदीमा फेला परेको १७० जनाको शव बरामद भएको थियो। जसमध्ये चार जनाको सनाखत,६८ जनाको व्यवस्थापन र ९८ जनाको शव सनाखत र व्यवस्थापन गर्न बाँकी रहेको जिल्ला प्रशासन कार्यालय नवलपरासी पश्चिमले जनाएको छ। व्यवस्थापन गरिएको शवको डिएनएको नमुना संकलन गरिएको छ ।
Advertisement
Advertisement
Advertisement
सनाखत भएका व्यक्तिहरुमा गोरखाको पालुङटार नगरपालिका-७ को २८ वर्षीया सोमी कुमाल, धादिङको गजुरी गाउँपालिक-६ मिलानटारका ३५ वर्षीय प्रकाश ग्यामी मगर, काभ्रेको रोसी गाउँपालिका ९ घर भई नुवाकोटको विदुर नगरपालिका-१० बेत्रावती बजारका ३८ वर्षीय संखबुद्ध तामाङ र मकवानपुरको भीमफेदी गाउँपालिका-२ का २८ वर्षीय सविन राना रहेको लुम्बिनी प्रदेश सरकारले जनाएको छ।
यसैबीच लुम्बिनी प्रदेशका मुख्यमन्त्री चेतनारायण आचार्यले शव व्यवस्थापनको स्थल, शव पहिचानकालागि अपनाइएको प्रक्रिया, शवको सुरक्षा, आफन्तहरुसंगको समन्वय र सहजीकरणका बारेमा जानकारी लिएको बताइएको छ।
