भैरहवा, १७ भदौ। रुपन्देहीको भैरहवास्थित लुम्बिनी नेत्रविज्ञान अध्ययन संस्थान तथा रिसर्च सेन्टर, श्री रण अम्बिका शाह आँखा अस्पतालले बाढीबाट प्रभावित परिवारका लागि १४ लाख १२ हजार ३ सय ५९ रुपैयाँ सहयोग गरेको छ।
अस्पताल व्यवस्थापन समितिको बैठकले अस्पतालको तर्फबाट ७ लाख ५० हजार रुपैयाँ प्रदान गर्ने निर्णय गरेको र थप रकम कार्यरत चिकित्सक, कर्मचारी, व्यवस्थापन समितिका पदाधिकारी तथा एम.डी. रेजिडेन्ट डाक्टरहरुबाट स्वेच्छिक रुपमा संकलन गरिएको अस्पतालका सूचना अधिकारी प्रतीक पाण्डेयले बताए।
Advertisement
Advertisement
Advertisement
बाढीबाट प्रभावित परिवारहरुका लागि राहत, उद्धार तथा पुनःस्थापनाका लागि अस्पतालले र आवद्ध कर्मचारीहरुबाट स्वेच्छिक रुपमा रकम संकलन गरी प्रधानमन्त्री दैवी प्रकोप उद्धार कोषमा जम्मा गरिएको उनले बताए ।
अस्पतालले यो संकटको समयमा सम्पूर्ण नेपालीहरुलाई आफ्नोतर्फबाट मानवीय सहयोगमा जुट्न र संकटमा परेका नागरिकहरुरुलाई साथ दिनसमेत आग्रह गरेको छ ।
