काठमाडौं,२९ असोज। अख्तियार दुरुपयोग अनुसन्धान आयोगले अर्काको नाम र फर्जी हस्ताक्षर प्रयोग गरी झुट्टा उजुरी दिने रुकुम पश्चिमको आठबिसकोट नगरपालिका–५ का दीपक पुन मगरलाई २ हजार रुपैयाँ जरिवाना कारवाही गरेको छ।
नेपाल प्रहरीका एक डीआईजीले सहकारीको ऋण असुलीको विषय मिलाइदिने बहानामा ४० लाख रुपैयाँ मागेको र धम्की दिएको दाबीसहित ‘एबी राई’ को नाममा आयोगमा उजुरी परेको थियो।
Advertisement
Advertisement
Advertisement
अनुसन्धानका क्रममा उजुरीकर्ता भनिएका आङबाबु राईले आफूले उजुरी नदिएको र हस्ताक्षरसमेत आफ्नो नभएको आयोगसमक्ष सनाखत गरेका थिए। त्यसपछि मगरले राईको जानकारी र सहमतिबिना उनको नाम र हस्ताक्षर प्रयोग गरी उजुरी दिएको स्वीकार गरेका थिए। दुवैले डीआईजीले रकम मागेको वा धम्की दिएको भनिएको घटना नभएको अख्तियारले जनाएको छ ।
आयोगका प्रवक्ता सुरेश न्यौपानेका अनुसार, अर्काको नाम र हस्ताक्षर दुरुपयोग गरी बदनियतपूर्वक झुट्टा उजुरी दिएको ठहर गर्दै आयोगले प्रचलित कानुनबमोजिम जरिवाना गर्ने निर्णय भएको हो ।
