

काठमाडौं, २ मंसिर। काठमाडौंको त्रिभुवन अन्तर्राष्ट्रिय विमानस्थलबाट तीन किलो चार सय ग्राम बढीे सुनसहित दुई जना चिनियाँ नागरिक पक्राउ परेका छन् । दुई वटा छुट्टाछुट्टै घटना सुनसहित दुवै पक्राउ परेका हुन्।
विमानस्थल सुरक्षा कार्यालयले नेपाल एयरलाइन्समार्फत हङकङबाट काठमाडौं आएका चीनको जिलिनका ५८ वर्षीय जियानहुवा वाङले मलद्वारमा लुकाएर ल्याएको १ किलो ८०३.७७ ग्राम सुन बरामद गरेको हो।
Advertisement

Advertisement
Advertisement

भन्सार क्षेत्र पार गरी बाहिरिने क्रममा शङ्कास्पद गतिविधिका आधारमा जाँच गर्ने क्रममा सुन बरामद बरामद भएको विमानस्थल सुरक्षा कार्यालयले जनाएको छ।
यस्तै बुधवार नै हिमालयन एयरलाइन्समार्फत दुबईबाट काठमाडौं आएका चिनियाँ नागरिक बिनबिन लिलाई पनि १ किलो ६०५ ग्राम सुनसहित विमानस्थलमा पक्राउ गरिएको सशस्त्र प्रहरीले जनाएको छ।
विमानस्थलको भन्सार क्षेत्रस्थित वाक थ्रु गेटमा चेकजाँच गर्ने क्रममा आरोपीले हातमा बोकेको ज्याकेटको खल्तीबाट उक्त परिमाणको सुन बरामद भएको हो।बरामद सुन गोलाकार अर्धठोस पदार्थपदार्थको रुपमा छ।
छुट्टाछुट्टै पक्राउ परेका दुवै जनालाई आवश्यक अनुसन्धान तथा कारबाहीका लागि त्रिभुवन विमानस्थल भन्सार कार्यालय गौचरमा बुझाइएको छ।





