भैरहवा, १० माघ ।
नेपाल प्रहरी प्रधान कार्यालय लामो समय देखि आफुखुशी कार्यालयमा गैरहाजिर रहेको प्रहरीहलाई सम्पर्कमा आउन ताकेता गरेको छ ।
प्रहरीको विभिन्न कार्यालयमा कार्यरत २४ जना कर्मचारी सम्पर्कबिहीन रहेको छन् । जसमध्ये तीन जना असई, दुई जना सहायक हवल्दार र अन्य जवानहरु छन् ।
Advertisement
Advertisement
Advertisement
यी २४ जना प्रहरीहरु गत भदौ २४ गते देखि पुस १ गते समयावधीको बीचमा सम्पर्कबिहीन भएका हुन् । जसमध्ये सबैभन्दा धेरै मंसिर महिनामा सम्पर्कबिहीन भएका छन् ।
कार्यालयमा गैर हाजिर रहेको र प्रक्रिया बमोजिम खोजतलास गर्दा समेत कार्यालयको सम्पर्कमा नआएकोले सात दिन भित्र स्पष्टीकरण सहित कार्यालयमा उपस्थित हुन सम्पर्कबिहीन भएका प्रहरी कर्मचारीहरुलाई सूचित गरिएको छ ।
साथै, उक्त अवधीभित्र सम्पर्कमा नआए सेवाबाट हटाउने कारवाही हुने बुधवार प्रहरी प्रधान कार्यालयले प्रकाशित गरेको सूचनामा उल्लेख छ ।
