भैरहवा, २५ मंसिर । नेपाली कांग्रेस रुपन्देहीले सय दिने विषेश राष्ट्रिय अभियानका लागि जिल्लाका सबै वडामा प्रतिनिधि खटाएको छ ।
जिल्ला, प्रतिनिधि सभा क्षेत्र, प्रदेश सभा क्षेत्र, स्थानीय पालिका र वडा सभापति तथा कार्यसमितिसँग समन्वय र परामर्श गरी प्रतिवेदन तयार पार्न प्रतिनिधि खटाउने निर्देशन बमोजिम जिल्लामा पनि प्रतिनिधि खटाइएको नेपाली कांग्रेस रुपन्देहीका सभापति रामकृष्ण खाँणले जानकारी दिए ।
Advertisement
Advertisement
Advertisement
उनका अनुसार आगामी पुस ७ गते भित्र प्रतिवेदन ल्याउने गरी जिल्लाका १ सय ५५ बटै वडामा प्रतिनिधि खटाइएको छ । महासमिति सदस्य, महाधिवेशन प्रतिनिधि, क्षेत्रीय सभापति र जिल्ला सदस्यहरुलाई प्रतिनिधिको रुपमा खटाइएको नेपाली कांग्रेस रुपन्देहीका सचिव हरि काफ्लेले जानकारी दिए ।
प्रतिनिधिहरुले वडा भेला, अन्तरक्रिया गर्ने, कार्यसमिति पूर्ण नभएको भए बिधान बमोजिम गर्न लगाउने, नियमित बैठक बस्न लगाउने, पार्टी संगठन, क्रियाशिल सदस्यता नवीकरण प्रक्रिया के–कस्तो भएको छ ?, उक्त वडामा अन्य पार्टीको अवस्था, जनप्रतिनिधि र पार्टीबीचको समन्वय जस्ता विषयहरु समेटेर प्रतिवेदन तयार पार्ने रुपन्देही कांग्रेसले जनाएको छ ।
