भैरहवा,६ माघ। रुपन्देहीको बुटवलस्थित सुप्रिम बचत तथा ऋण सहकारी संस्थाको रकम ठगी अभियोगमा ४२ जनालाई प्रतिवादी बनाउँदै जिल्ला अदालत रुपन्देहीमा मुद्दा दर्ता भएको छ । सहकारी ठगी प्रकरणमा प्रतिवादीहरुविरुद्ध सहकारी ठगी, संगठित अपराध र सम्पत्ति शुद्धिकरण मुद्दा दर्ता भएको छ ।
गत बैशाख ३ गते अदालतमा पेश भएको अभियोग पत्रबाट २८ जनाविरुद्ध सहकारी ठगी मुद्दा दर्ता भएको थियो भने माघ ३ गते पेश भएको थप अभियोग पत्रबाट प्रतिवादी कायम भइसकेका २८ जनामध्ये दिनेश रोक्काविरुद्ध सम्पत्ति शुद्धिकरण र अन्य १६ जनाविरुद्ध सहकारी ठगी, संगठित अपराध मुद्दा दर्ता भएको छ ।
Advertisement
Advertisement
Advertisement
पुरक अभियोगपत्रबाट प्रतिवादी कायम भइसकेका २८ जनामध्ये आठ जना र नयाँ प्रतिवादी १४ जना गरी २२ जनाविरुद्ध आइतबार सहकारी ठगी र संगठित अपराधमा जिल्ला अदालत रुपन्देहीमा मुद्दा दर्ता भएको जिल्ला सरकारी वकिल कार्यालय रुपन्देहीका न्यायाधिवक्ता प्रेमराज पौडेलले जानकारी दिए ।
पुरक अभियोगपत्रबाट राष्ट्रिय स्वतन्त्र पार्टीका सभापति एवं गोर्खा मिडिया नेटवर्क प्रालिका पूर्वप्रबन्धक रवि लामिछाने, पूर्व डीआईजी छविलाल जोशीसमेतलाई प्रतिवादी बनाइएको छ ।
हालसम्म सहकारीको रकम ठगी गरेको कसुरमा कुल ४२ जना विरुद्ध मुद्दा दर्ता भएको छ । यी ४२ जनाबाट सहकारी ठगी, संगठित अपराध र सम्पत्ति शुद्धिकरण मुद्दामा कुल एक अर्ब ४३ करोड ८६ लाख २ हजार एक सय ३५ रुपैयाँ बिगो मागदावी गरिएको छ ।
कुन मुद्दामा को प्रतिवादी ? हेर्नुहोस् सूची:
