बुटवल,२१जेठ। नेपाली युवा उद्यमी मञ्च रुपन्देहीमा अध्यक्षमा आर्दश श्रेष्ठ चयन भएका छन्।तिलोत्तमा नगरपालिकाको कोटिहवामा भएको संस्थाको ९ औं साधारण सभा तथा अविधेशनले श्रेष्ठको अध्यक्षतामा नयाँ कार्यसमिति चयन गरेको हो।
मञ्चको निबर्तमान अध्यक्षमा रिसव ओझा, प्रथम उपाध्यक्षमा अनिस कसौधन, द्धितिय उपाध्यक्षमा सुमन बस्याल चयन भएका हुन। यस्तै कार्यसमिति सदस्यहरुमा प्रतिक कसजु, सुमित श्रेष्ठ, बिराट जोशी, सुमित ओझा, मञ्जील विके, अमन श्रेष्ठ, मन्दीप अमात्य, अनुभवमान सैजु, राहुल कसौधन र कार्यक्रको संयोजकमा मनिस श्रेष्ठ चयन भएका छन्।
Advertisement
Advertisement
Advertisement
कार्यक्रमा संस्थामा उत्कृष्ट योगदान र सक्रिय सहभागीता जनाउने सदस्यहरुलाई सम्मान गरिएको थियो जसमा सबैभन्दा बढी कार्यक्रममा उपस्थित हुने सदस्य अनुभव श्रेष्ठ,नयाँ सदस्य पुरस्कार शान्तम थैबा, इसिएस निउवयट पावर हाउस अमन श्रेष्ठका साथै विभिन्न विधामा उत्कृष्ट हुने सदस्य मनिश श्रेष्ठ, संम्यक बज्राचार्य, प्रतिक पहारीलाई सम्मान गरिएको छ ।
कार्यक्रमलाई सम्बोधन गर्दै तिलोत्तमा नगरपालिका प्रमुख रामकृष्ण खाँणले युवाहरुले स्वदेशमा नै उद्यमशिलता प्रर्वद्धनको लागि गरेको कार्य आफैमा महत्वपूर्ण भएको बताउँदै यसलाई निरन्तरता दिन आग्रह गरे।
राष्ट्रिय गभर्निङ्ग काउन्सीलका अध्यक्ष कुशल सुन्दर श्रेष्ठ, संरक्षक संस्था बुटवल उद्योग बाणिज्य संघका अध्यक्ष हरि प्रसाद अर्याल, पूर्वअध्यक्ष तथा केन्द्रीय सदस्य उज्जवल कसजु, नेपाली युवा उद्यमी मञ्च ललितपुरका अध्यक्ष नीतु श्रेष्ठ, लुम्बिनी प्रदेश उद्योग परिसंघका अध्यक्ष एजाज आलम, सीएसीसीआईका प्रतिनधी नेत्र आचार्य, सीएनवाईईएफ लुम्बिनी अध्यक्ष राजन कसजु लगायतको सहभागिता रहेको थियो।
