काठमाडौं,८ चैत। नेपाली कांग्रेसले आन्तरिक विवादका कारण प्रतिनिधिसभा निर्वाचनमा अपेक्षित नतिजा प्राप्त नभएको प्रारम्भिक निष्कर्ष निकालेको छ।
पार्टी कार्यालय सानेपामा जारी केन्द्रीय कार्यसमिति बैठककाबीच सञ्चारकर्मीसँग कुराकानी गर्दै पार्टीका प्रवक्ता देवराज चालिसेले पार्टीले पराजय भोगेको अधिकांश क्षेत्रको मतान्तरलाई हेर्दा पार्टीको आन्तरिक कारणले नै अपेक्षित मत नआएको प्रारम्भीक निष्कर्ष रहेको बताए।
Advertisement
Advertisement
Advertisement
त्यसका अतिरिक्त निर्वाचन क्याम्पेनिङमा भएका त्रुटि समेत देखिएकाले बैठकमा विस्तृत रुपमा छलफल भइरहेको उनले बताए। कतिपय क्षेत्रहरुमा संगठनात्मक कमजोरी मात्रै नभइ पार्टीप्रति जनताको विश्वासमै पनि प्रश्न उठेको आभाष बैठकले गरेको उनले उल्लेख गरे ।
पार्टीको क्रियाशिल सदस्यको संख्या बढ्दै जाँदा मत भने घट्दै गएकाले निर्वाचनको परिणामलाई गहिरो र तथ्यमा आधारित भएर पार्टीले विश्लेषण गर्ने उनको भनाइ छ।
उनले निर्वाचन परिणामका विषयमा पार्टीमा प्रस्तुत भएका प्रतिवेदनका साथै जिल्लाबाट आएका रिपोर्टहरूलाई समेत एकै ठाउँ राखेर सुक्ष्म अध्ययनपछि निष्कर्ष निकाल्ने जानकारी दिए। उनले आगामी दिनमा कांग्रेस आफूलाई नवजीवन दिने र पार्टीलाई पुनः सुदृढ गर्दै अघि बढ्ने उल्लेख गरे।