सस्तैमा समेटियो न्यू होराइजन, तिरुपतिले निकाल्यो जित

भैरहवा, २५ वैशाख। रुपन्देहीको भैरहवास्थित सिद्धार्थ क्रिकेट रंगशालामा जारी ‘पञ्चकन्या रुपन्देही सुपर लिग’ अन्तर्गत ‘ए’ डिभिजनको खेलमा तिरुपति क्रिकेट क्लब विजयी भएको छ। शुक्रबारमा न्यू होराइजन स्पोटर्स क्लबलाई ४ विकेटले पराजित गर्दै तिरुपतिले विजयी भएको हो ।

टस हारेर ब्याटिङको निम्तो पाएको न्यू होराइजनले निर्धारित ५० ओभरमा २२ ओभर ३ बलमा सबै विकेट गुमाउँदै ७६ रन मात्र बनायो ।
उसका लागि निर्मल गुरुङले २९ र विप्रसन केसीले १४ रन बनाए पनि अन्य ब्याटरले दोहोरो अंकमा रन बटुल्न सकेनन् ।

Advertisement Advertisement

Advertisement Advertisement

Advertisement Advertisement

होराइजनलाई सस्तैमा समेट्नका लागि तिरुपतिका अपराजित पौडेल र मोहम्मद हुसेनले ३–३ तथा तुलबहादुर थापाले २ र आकाश त्रिपाठीले १ विकेट लिए ।

जवाफीमा ब्याटिङ गरेको तिरुपतिले १४ ओभर १ बलमा ६ विकेट गुमाएर सहजै ७९ रन बनाउँदै जित निकाल्यो । जीतका लागि विजय प्रजापतिले २४, तुलबहादुर थापाले अविजित २० र सन्दीप मौर्यले १४ रन बनाए। बलिङमा न्यू होराइजनका निर्मल गुरुङले २ तथा अमर मिश्रा, विप्रसन केसी र महेश भरले समान १–१ विकेट लिए। खेलमा मोहम्मद हुसेन प्लेयर अफ द म्याच भएर १ हजार २ सय रुपैयाँ प्राप्त गरे ।

रुपन्देही क्रिकेट संघको आयोजनामा प्रतियोगिताको विजेता टीमले १ लाख १ रुपैयाँ र उपविजेताले ५० हजार १ रुपैयाँका साथै ट्रफी, मेडल र प्रमाणपत्र प्राप्त गर्नेछन्। त्यस्तै म्यान अफ द सिरिजले १५ हजार, बेष्ट व्याटर, बेस्ट बलर र उदीयमान खेलाडीले जनही ५ हजार र प्रत्येक खेलको म्यान अफ द म्याचले १ हजार २ सय रुपैयाँ प्राप्त गर्ने खेल संयोजक प्रथम पराजुलीले बताए।