भारत, असार। भारतको तामिलनाडु सरकारले राज्यको सरकारी अस्पतालहरुमा जन्मने प्रत्येक नवजात शिशुलाई १ ग्राम सुनको औंठी उपहार दिने घोषणा गरेको छ।
मुख्यमन्त्री सी. जोसेफ विजयको नेतृत्वमा रहेको सरकारले थाइमामन थङ्गा मोथिरा थिट्टम (मामाको सुनको औंठी योजना) अन्तर्गत उक्त कार्यक्रम ल्याएको हो।
Advertisement
Advertisement
Advertisement
तमिल संस्कृतिमा नवजात शिशुलाई मामाको तर्फबाट सुन उपहार दिएर स्वागत गर्ने थाइमामन सिर परम्परा रहेको छ। सोही सांस्कृतिक मान्यतालाई आत्मसाथ गर्दै अब सरकारले नै राज्यका प्रत्येक शिशुको मामाुको भूमिका निभाउँदै सुनको औंठी उपहार दिन लागेको जारी विज्ञप्तिमा उल्लेख छ।
यस योजनाका लागि सरकारले वार्षिक ७५५.८३ करोड भारु बजेट छुट्याएको छ। यो योजना औपचारिक रुपमा आगामी सेप्टेम्बर १५ (पूर्व मुख्यमन्त्री सी.एन. अन्नादुराईको जन्मजयन्ती) का दिन उद्घाटन हुने भए पनि यसलाई गत जुन २२, २०२६ (मुख्यमन्त्री विजयको जन्मदिन) देखि नै पूर्वप्रभावी हुने गरी लागु गरिएको छ। अर्थात्, जुन २२ यता सरकारी अस्पतालमा जन्मेका सबै शिशुले यो उपहार पाउनेछन्।
सरकारका अनुसार यस योजनाको मुख्य उद्देश्य सरकारी स्वास्थ्य सेवाप्रति नागरिकको विश्वास बढाउनु, मातृ तथा शिशु कल्याणलाई प्रवर्द्धन गर्नु र मातृत्वको गौरवलाई उत्सवका रुपमा मनाउनु रहेको छ। तामिलनाडुमा वार्षिक करिब ७.८ लाख सुत्केरी हुने गरेको र त्यसमध्ये ९९.९ प्रतिशत संस्थागत (अस्पतालमा) जन्म हुने गरेको तथ्याङ्क छ।
