काठमाडौं,५ भदौ। स्वास्थ्य तथा खाद्य स्वच्छता मन्त्री निशा मेहताले स्वास्थ्य क्षेत्रका महत्वपूर्ण नियामक तथा अनुसन्धानमूलक निकायमा धमाधम नेतृत्व नियुक्त गरेकी छन्।
मन्त्री मेहताले नेपाल मेडिकल काउन्सिल, नेपाल स्वास्थ्य अनुसन्धान परिषद्, आयुर्वेद चिकित्सा परिषद् र नेपाल स्वास्थ्य व्यवसायी परिषद्मा नयाँ पदाधिकारी नियुक्त गरेकी हुन्।
Advertisement
Advertisement
Advertisement
नवनियुक्त पदाधिकारीहरुले मन्त्री मेहतासमक्ष पद तथा गोपनीयताको शपथ ग्रहण गरेका छन्।
नेपाल मेडिकल काउन्सिलको रजिस्ट्रारमा डा. सुप्रभात श्रेष्ठ र नेपाल स्वास्थ्य अनुसन्धान परिषद्को सदस्यसचिवमा डा. प्रमोद जोशीलाई नियुक्त गरिएको छ।
यसैगरी, आयुर्वेद चिकित्सा परिषद्को रजिस्ट्रारमा डा. हरि शरण अर्याल र नेपाल स्वास्थ्य व्यवसायी परिषद्को रजिस्ट्रारमा रमेश श्रेष्ठ नियुक्ति दिइएको छ।
स्वास्थ्य क्षेत्रका नियमन, अनुसन्धान, चिकित्सा शिक्षा तथा स्वास्थ्य व्यवसायीको व्यवस्थापनसँग प्रत्यक्ष जोडिएका चारवटै निकायमा एकैपटक नेतृत्व चयन गरिएको हो।
नवनियुक्त पदाधिकारीहरुको अनुभव र विज्ञतालाई आधार मान्दै सम्बन्धित निकायका कामकारबाही थप प्रभावकारी हुने अपेक्षा गरिएको छ।
