

भैरहवा,२ मंसिर। सार्वजनिक यातायातलाई सुरक्षित, व्यवस्थित, मर्यादित तथा स्वच्छ बनाउने उद्देश्यले जिल्ला ट्राफिक प्रहरी कार्यालय रुपन्देहीले यात्रु, चालक र सहचालकलाई लक्षित गरी सचेतनामूलक कार्यक्रम सञ्चालन गरेको छ।
कार्यक्रममार्फत सार्वजनिक यातायातमा अनिवार्य रुपमा डस्टबिन राख्न, सवारीसाधनभित्र जथाभावी फोहोर नगर्न तथा निस्कने फोहोर डस्टबिनमै व्यवस्थापन गर्न आग्रह गरिएको छ।
Advertisement

Advertisement
Advertisement
त्यसैगरी, सवारीसाधनको सिट क्षमताभन्दा बढी यात्रु नराख्न र यात्रुको सुरक्षित तथा सहज यात्रालाई प्राथमिकता दिन चालक तथा सहचालकलाई अनुरोध गरिएको जिल्ला ट्राफिक प्रहरी कार्यालय रुपन्देहीले जनाएको छ।
सार्वजनिक यातायातलाई स्वच्छ, सुरक्षित, व्यवस्थित र यात्रुमैत्री बनाउन यात्रु, चालक, सहचालक तथा यातायात व्यवसायी सबैको सक्रिय भूमिका आवश्यक रहेको ट्राफिक प्रहरीको भनाइ छ।





