काठमाडौं,९ भदौ। नेपाली कांग्रेसको १५औँ महाधिवेशन प्रक्रिया रोक्न माग गर्दै निवर्तमान सभापति शेरबहादुर देउवा र निवर्तमान कार्यवाहक सभापति पूर्णबहादुर खड्का समूहले सर्वोच्च अदालतमा छुट्टाछुट्टै रिट दर्ता गराएका छन्।
देउवाको वारेसका रुपमा कांग्रेस नेता दीपक खड्का तथा पूर्णबहादुर खड्काको वारेसका रुपमा अधिवक्ता श्रवणकुमारले सोमबार सर्वोच्चमा रिट दर्ता गराएका हुन्।
अदालतका प्रवक्ता अर्जुन कोइरालाका अनुसार, दुवै रिट निवेदनमाथि भदौ ११ गते पेशी तोकिएको छ। यसअघि कांग्रेसको विशेष महाधिवेशनसम्बन्धी विवादमा सर्वोच्च अदालतले पुनरावलोकनका लागि निस्सा प्रदान गरेको थियो।
उक्त विवाद सर्वोच्च अदालतमा विचाराधीन रहेको अवस्थामा नेपाली कांग्रेसले भने असोज १६ देखि १९ गतेसम्म १५औँ महाधिवेशन गर्ने गरी प्रक्रिया अघि बढाएको छ।
कमेन्ट गर्नुस्