काठमाडौं,११ भदौ । बाढी प्रभावितका लागि राहत संकलन गर्न सरकारले एकद्वार प्रणाली सञ्चालनमा ल्याएको छ। अर्थ मन्त्रालयले बिहीबार सूचना जारी गर्दै प्रधानमन्त्री दैवीप्रकोप उद्धार कोषमा नगद तथा जिन्सी सहयोग गर्न इच्छुक परोपकारी व्यक्ति, निजी क्षेत्र, दातृ निकाय तथा अन्तर्राष्ट्रिय संघसंस्थालाई अर्थ मन्त्रालयमार्फत समन्वय गर्न आग्रह गरेको हो।
मन्त्रालयका अनुसार, अन्तर्राष्ट्रिय दातृ निकाय तथा संघसंस्थाका प्रतिनिधिले राहत सहयोगका लागि अर्थ मन्त्रालयका सहसचिव अमृत लम्सालसँग समन्वय गर्न सक्नेछन्। त्यस्तै, निजी क्षेत्र तथा इच्छुक सहयोगी व्यक्तिले अर्थमन्त्रीको सचिवालयमार्फत राहत सहयोगसम्बन्धी समन्वय गर्न सक्ने व्यवस्था गरिएको छ।
Advertisement
Advertisement
Advertisement
राहत सहयोगका लागि समन्वय गर्न नवीन ढुंगाना (प्रमुख स्वकीय सचिव), कञ्चन बस्नेत (निजी सचिव), खोमनाथ अधिकारी (स्वकीय सचिव) र माधव भण्डारी (शाखा अधिकृत) लाई सम्पर्क गर्न मन्त्रालयले आग्रह गरेको छ।
जसका लागि उनीहरुको सम्पर्क नम्बरहरु ९८५११८३००१, ९८४१९७९०७५, ९८४९१९७१११, ९८५१३५४३४४ र ९८५१२०६२०१ सार्वजनिक गरिएको छ।
