काठमाडौं, २० असार। राष्ट्रिय स्वतन्त्र पार्टी (रास्वपा) ले महामन्त्री एवम् प्रवक्ता डा. मुकुल ढकाललाई निलम्बन गरेको छ । बुधबार बसेको पार्टीको केन्द्रीय समितिको बैठकले ढकाललाई निलम्बन गरेको हो । पार्टीले ढकाललाई निलम्बन गरेसँगै कार्यवाहक महामन्त्रीको जिम्मेवारी सहमहामन्त्री कवीन्द्र बुर्लाकोटीलाई र प्रवक्ताको जिम्मेवारी मनिष झालाई दिएको छ ।
रास्वपाले पार्टीको अनुशासन र विधिको पालना नगरेको भन्दै ढकाललाई सात दिनका लागि निलम्बन गर्ने निर्णय गरेको छ । ढकालले बुधबार बसेको केन्द्रीय समिति बैठकको लाइभ गर्न आग्रह गरेका थिए । तर अधिकांश उपस्थित केन्द्रीय सदस्यले बैठकको लाइभ नगर्न नमानेपछि उनले मुखमा पट्टी बाँधेर बैठकमा विरोध जनाएका थिए । ढकालले पार्टीमा सभापति रवि लामिछानेले सबै दोष आफूलाई थोपरेको र आफू विभिन्न मुद्दामा मुछिँदा पनि पार्टीमा हक जमाएर बसेको आरोप लगाउँदै आएका छन् ।
Advertisement
Advertisement
Advertisement
रवि लामिछाने सहकारी प्रकरणमा मुछिएको विषयमा पनि उनले प्रश्न उठाएका छन् । उनले तयार पारेको प्रतिवेदन पार्टीले सार्वजनिक गर्न नमानेपछि उनले सभापतिप्रति आक्रोश व्यक्त गरेका हुन् ।
