परासीमा तस्करी बढ्यो, ठूलो परिमाणमा लसुन बरामद

परासी, २५ भदौ। पश्चिम नवलपरासीमा तस्करी बढेको बेला राजस्व अनुसन्धान कार्यालयले छापा मारेर ठूला परिमाणमा चिनियाँ लसुन बरामद गरेको छ । कार्यालयको जिल्लाको बसैया नाका क्षेत्रबाट स्थानीय अजय हरिजनको गोदाममा छापा मारेर ठूलो परिमाणमा चिनियाँ लसुन बरामद गरेको हो ।

भारतमा लसुन महंगो भएकोले तस्करहरुले सीमावर्ती क्षेत्रमा लसुन भण्डारण गरी भारततर्फ तस्करी गर्दै आएका छन् । जसमा नेपाल प्रहरी र सशस्त्र प्रहरी मौन देखिएका छन् । चाडपर्व नजिकिएसँगै तस्करी झनै बढेको छ । स्थानीयका अनुसार परासीको धर्मपुर, भुजहावा, बसैया, तोनवा, अमानीगंज, गोपालपुर, मुडेरा लगायतनाकाबाट प्रहरीको मिलोमतोमा लसुन, कपडा, चिनी, हार्डवेयर लगायतका सामग्रीको तस्करी भइरहेको छ ।

Advertisement Advertisement

Advertisement Advertisement

Advertisement Advertisement

राजस्व अनुसन्धान कार्यालयका शाखा अधिकृत मनोज सइनीले विशेष सूचनाका आधारमा गोदाममा छापा मारेर २८ लाख मूल्यबराबरको एघार हजार एक सय किलो लसुन बरामद भएको बताए । उनका अनुसार बिल बिजक नभएको अवस्थामा बरामद लसुन २० किलोका ५१० बोरा र ३० किलोका ३१ बोरा रहेको छ ।

‘हामीले बरामद सामग्रीको बिल बिजक मागेपछि अडिटरले लगेकोले पछि उपलब्ध गराउन भनेका छन्’, उनले भने, ‘बिहिवारभित्र आवश्यक कागजपत्र लिएर कार्यालयमा आउन भनेका छौँ ।’