काठमाडौं,२१ बैशाख। प्रहरीले स्रोत नखुलेको ९५ लाख बढी रुपैयाँसहित ४ जनालाई पक्राउ गरेको छ।
पक्राउ पर्नेमा काठमाडौंको तार्केश्वर नगरपालिका-३ फेदीका २९ वर्षीय समुन्द्र जमकट्टेल, सप्तरीको सप्तकोशी नगरपालिका-१ का ४३ वर्षीय गणेश राई, लमजुङको दोदी गाउँपालिका-३ का ३१ वर्षीय सन्तोष गुरुङ र सोही ठाउँका ३९ वर्षीय सन्तोष घिमिरे रहेको प्रहरीले जनाएको छ ।
Advertisement
Advertisement
Advertisement
जिल्ला प्रहरी परिसर काठमाडौंका अनुसार पक्राउ परेकाहरुको साथबाट स्रोत नखुलेको ९५ लाख १७ हजार ५ सय रुपैयाँ बरामद भएको छ।
काठमाडौं महानगरपालिका-९ पिङ्गलास्थान स्थित पशुपति भिजन अगाडि सडकमा मोटरसाइकलमा शंकास्पद अवस्थामा आएका उनीहरुको झोला खानतलासी गर्दा स्रोत खुल्न नसकेको उक्त रकम बरामद भएको परिसरका सूचना अधिकारी एवं प्रहरी उपरीक्षक अपीलराज बोहोराले बताए।
कमेन्ट गर्नुस्
