भैरहवा,२५बैशाख । ओमसतिया गाउँपालिकाको आयोजनामा बिहीबार देखी उपाध्यक्ष कप महिला भलिवल प्रतियोगिता सुरु भएको छ । हाटीफर्साटिकर स्थित गाउँपालिका परीसरमा रहेको भलिवल कोर्टमा सुरु भएको प्रतियोगिताको यो दोश्रो सस्करण हो।
गाउँपालिका स्तरीय प्रतियोगितामा वार्ड नम्बर १ बाट २ टिम सहभागी छन भने वडा नम्बर २, ३, ४ र ५ बाट एक÷एक टिम तथा गाउँपालिकाका महिला कर्मचारीको एक टिम गरी कुल ७ टिमको सहभागिता रहेको छ।
Advertisement
Advertisement
Advertisement
शुक्रबार सम्म सञ्चालन हुने भलिवल प्रतियोगितामा बिजेता टिमले नगद ५० हजार रुपैयाँ, ट्रफी तथा पदक प्राप्त गर्नेछन भने उप बिजेता टिमले नगद ३० हजार रुपैयाँ ,ट्रफी र पदक प्राप्त गर्नेछन् । त्यस्तै तेश्रोले १५ हजार रुपैयाँ, ट्रफी र पदक प्राप्त गर्ने पालिकाले जनाएको छ। सर्बोत्कृट खेलाडीलाई ५ हजार रुपैयाँ प्राप्त गर्नेछन्।
प्रतियोगिताको मुख्य उद्देश्य महिलाहरुलाई चुलोचौको तथा घरका काम बाहेक पनि खेलकुदमा लगाई खेल प्रतिभा प्रष्फुटन गर्ने रहेको प्रतियोगिता संयोजक एवं गाउँपालिका उपाध्यक्ष सुनिता चौधरीले बताइन्।
गाउँपालिका अध्यक्ष एवं प्रमखु अतिथि मन्जित कुमार यादव सोनुले रेफ्रिलाई बल हस्तान्तरण गरेर प्रतियोगिताको उद्घाटन गरे। उनले गाउँपालिकाले खेलकुदलाई प्राथमिकतामा राखेको भन्दै पालिकामा रहेका खेलाडीहरुलाई अघि बढन बिभिन्न माध्यमबाट सहयोग गर्ने गरेको बताए।
भलिवल खेलको उदघाटन सत्रमा गाउँपालिकाका प्रमुख प्रशासकिय अधिकृत कृष्ण प्रसाद पन्थी, गाउँपालिकाका प्रबक्ता एवं वडा नम्बर ५ का वडा अध्यक्ष मदन प्रसाद पोखरेल, वडा नम्बर १ का अध्यक्ष बेल बहादुर बराल मगर, वडा नम्बर ३ का अध्यक्ष प्रकाश सिंह चौधरी, वडा नम्बर ४ का अध्यक्ष अखिलेश्वर कुमार पाण्डे, वडा ६ का वडा अध्यक्ष शिब कुमार धवल, लेखा अधिकृत कमल शर्मा लगायतको उपस्थिति थियो। उद्घाटन सत्रको सञ्चालन प्रशासन शाखा प्रमुख रुपा थापा राउतले गरेकी थिइन्।
प्रतियोगिताको उदघाटन खेलमा वडा नम्बर एक को ए टिमले वार्ड नम्बर २ लाई सोझो सेटमा २–० ले पराजित गर्दै अघिल्लो चरणमा प्रबेश गर्न सफल भयो। २ नम्बरको ए टिमले पहिलो सेट २८–२६ तथा दोश्रो सेट २५–२१ अंकले जित निकालेको हो।
त्यस्तै अर्को खेलमा वडा नम्बर ३ ले वडा नम्बर ४ लाई २–० सेटले हराउन सफल भयो । पहिलो सेट २५–१ ले तथा दोश्रो सेट २४–१३ ले हराउदै वडा नम्बर ४ प्रतियोगिताको अघिल्लो चरणमा प्रबेश गर्न सफल भएको हो। प्रतियोगिताको सेमिफाईनल, फाईनल तथा तृतिय स्थानको खेल शुक्रबार सम्पन्न हुने गाउँपालिकाले जनाएको छ ।
