देशभर भारी वर्षाको अनुमान, सुरक्षा निकायलाई तयारी अवस्थामा रहन प्रधानमन्त्रीको निर्देशन

काठमाडौं,४साउन । जल तथा मौसम विज्ञान विभागले देशका विभिन्न स्थानमा धेरै भारी वर्षा हुने जनाएपछि प्रधानमन्त्री केपी शर्मा ओलीले आवश्यक सतर्कता अपनाउन आग्रह गरेका छन् ।

प्रधानमन्त्री ओलीले सामाजिक सञ्जालमा लेखेका छन्-‘मौसम विज्ञान विभागले आज दिउँसो देशका विभिन्न स्थानहरुमा भारी वर्षा हुने अनुमान गरेको छ। मौसमजन्य विपतबाट बच्न सुरक्षा निकायले आवश्यक सतर्कताका लागि जारी गरेको सूचनालाई पालना गरौँ। अत्यावश्यक बाहेक लामो यात्रा नगर्न र सुरक्षित स्थानमा रहन अनुरोध गर्दछु। सुरक्षाकर्मीहरुलाई आवश्यक सुरक्षाको लागि तयारी अवस्थामा रहन पनि निर्देशन गर्दछु।’ 

Advertisement

Advertisement

Advertisement

कोशी, बागमती र गण्डकी प्रदेश लगायत देशका पहाडी भूभागका केही स्थानहरुमा भारी देखि धेरै भारी वर्षाको पनि सम्भावना रहेको विभागले जनाएको छ ।