भैरहवा, २७ भदौ । जेनजीको प्रदर्शनको क्रममा नेपालका विभिन्न कारागारबाट फरार भएका ७ जना कैदीबन्दीलाई रुपन्देही प्रहरीले पक्राउ गरेको छ ।
प्रहरीका अनुसार पक्राउ पर्नेमा चितवन कारागारबाट फरार भएका सवारी अंगभंग मुद्दाका भारतका २४ वर्षीय अब्बास खान, लागुऔषध मुद्दाका ४८ वर्षीय अनिल गिरी, लागुऔषध मुद्दाकै ४१ वर्षीय राजपाल सिंह र सवारी ज्यान मुद्दाका ३८ वर्षीय मोनु कश्याब रहेका छन् । यी सबै भारतीय नागरिक हुन् ।
Advertisement
Advertisement
Advertisement
त्यस्तै नवलपरासी कारागारबाट फरार बहुविवाह मुद्दाकी कैदी रुपन्देही सैनामैना नगरपालिका-७ को ५२ वर्षीय करिस्मा रानालाई पनि पक्राउ गरिएको प्रहरीले जनाएको छ।
यस्तै केन्द्रीय कारगारबाट काठमाडौंबाट फरार भएका तान्जानियाका लागुऔषध मुद्दाका ५३ वर्षीय रामाधनी सिम्बा म्वाबुम्बा र सोही देशका लागुऔषध मुद्दा ४७ वर्षीय त्वालिब किपेभु पशहुआलाई पक्राउ गरिएको जिल्ला प्रहरी कार्यालय रुपन्देहीले जनाएको छ।
