काठमाडौं,२२ असोज। नेपाली महिला क्रिकेट टिमले मलेसियासँगको द्विपक्षीय टी–२० अन्तर्राष्ट्रिय सिरिज उपाधी नेपालले उचालेको छ। बुधबार भएको अन्तिम खेलमा मलेसियालाई ५ विकेटले हराउँदै नेपाली महिला क्रिकेट टिमले सिरिजको उपाधी उचालेको हो। ५ खेल सम्मेलित सिरिज नेपालले ३–२ को जित निकालेको हो।
मलेसियाको बायुमास ओभलमा निर्णायक खेलमा टस जितेर ब्याटिङ गरेको मलेसियाले निर्धारित २० ओभरमा ७ विकेट गुमाउँदै १०३ रन बनाएको थियो।
Advertisement
Advertisement
Advertisement
मलेसियाले दिएको १०४ रनको विजयी लक्ष्य पछ्याएको नेपालले १८ ओभरमा ५ विकेट गुमाउँदै लक्ष्य पूरा गर्यो ।
नेपालको जितमा रुवी पोदारले सर्वाधिक २६ रन बनाइन्। उनले २५ बलमा २ चौका प्रहार गरिन्। ओपनर सम्झना खड्काल् १३, कविता कुवँरले १४, पुजा महतोले २३ रन बनाउँदा रुबीना क्षेत्री १५ र कविता जोशी १ रनमा अविजित रहे।
मलेसियाका लागि बलिङमा एना हमिजा हसिम, नुर दनिया सुहादा, इशा एलिसा, माहिरा इस्लामी र नुर नुरमिजाले १–१ विकेट लिए।
त्यसअघि, ब्याटिङ गरेको मलेसियाको लागि कप्तान विनिफर दुरासिंगमले सर्वाधिक ४० रन बनाइन्। उनले ४६ बल खेल्दै ५ चौका प्रहार गरेकी थिइन्। ओपनर एना हमिजा हसिमले १५, मास एल्साले १०, माहिरा इस्मेलले १९ र नुर दनिया सुहादाले ११ रन बनाइन्। नेपालको लागि कविता कुँवर र राजमती ऐरीले समान ३–३ विकेट लिए। रचना चौधरीले १ विकेट लिइन्।
नेपाल यसअघि पहिलो खेलमा ३ रनले पराजित भएको थियो भने दोस्रो खेलमा ६ विकेटको जित निकालेको थियो । त्यस्तै तेस्रो खेलमा १३ रनले पराजित हुँदा चौथो खेलमा ६ विकेटको जित निकालेको थियो ।
