भैरहवा,२६ माघ । आगामी फागुन २१ गते हुने प्रतिनिधिसभा सदस्य निर्वाचनका लागि भारत सरकारले नेपाल सरकारलाई ५० वटा सैन्य गाडी उपलब्ध गराएको छ । नेपाली सेनालाई उपलब्ध गराएको उक्त गाडीहरु बेलहिया (भैरहवा) नाका हुँदै नेपाल भित्राइएको छ।
भारतीय सेनाले भारतको सोनौली नाकामा एक कार्यक्रमको आयोजना गरी नेपाली सेनालाई उक्त सैन्य गाडीहरु हस्तान्तरण गरेको हो ।
Advertisement
Advertisement
Advertisement
भैरहवा भन्सार कार्यालयका अनुसार, साढे २९ करोड मूल्यका उक्त गाडी नेपाल सरकारको निर्णय अनरुप भन्सार राजश्व छुटमा नेपाल भित्रिएका हुन्। उपलब्ध गराइएको उक्त सैन्य गाडीहरु ७.५ टन र २.५ टनका गरी २ प्रकारका छन्। जसमध्ये ७.५ टनका २० वटा र २.५ टनका ३० वटा मिनीट्रक छन्।
बेलहिया नाकाबाट भित्रिएका उक्त गाडीहरु काठमाडौं लगिएको छ । नेपाल सरकार र भारत सरकार बीचको आपसी समझदारी अनुरुप उक्त गाडी भित्रिएको नेपाली सेनाले जनाएको छ ।