भैरहवा,११ भदौ। भोटेकोशी नदीमा आएको बाढीका कारण नेपालसमेत कुल ३१ मुलुकका पर्यटक सम्पर्कविहीन भएका छन् ।
संस्कृति, पर्यटन तथा नागरिक उड्डयन मन्त्रालय अन्तरगतको पर्यटन विभागले ३१ देशका ६२६ जना पर्यटक सम्पर्कविहीन रहेको पर्यटकहरुको विवरण सार्वजनिक गर्दै जानकारी दिएको हो । जसमा पुरुष ३२० र महिला ३०६ जना रहेका छन् ।
विभागका अनुसार, सबैभन्दा बढी भारतका १७८ जना पर्यटक सम्पर्कविहीन छन् । त्यस्तै नेपालको १२३ जना, अमेरिकाका ६३ जना, युक्रेनका ५३ जना, यूकेका ३३ जना, मलेसियाका ५१ जना, अष्ट्रेलियाका ३४ जना, क्यानेडाका २५ जना लगायत अन्य मुलुकका गरी ६२६ जना पर्यटक सम्पर्कविहीन रहेको तथ्यांक सार्वजनिक गरिएको छ।
कमेन्ट गर्नुस्