काठमाडौं,१२ भदौ। प्रधानमन्त्री बालेन शाहले विदेशी सहयोग अस्वीकार गरिएको भन्ने प्रचार भ्रामक भएको बताएका छन्। सामाजिक सञ्जालमार्फत उनले भारत, चीन तथा अन्तर्राष्ट्रिय साझेदारसँग उद्धार तथा राहतका लागि आवश्यक सहयोग र सामग्रीबारे निरन्तर समन्वय भइरहेको जानकारी दिएका छन्।
उनका अनुसार, हेलिकप्टर परिचालन गर्दा हवाई सुरक्षा, भौगोलिक पहुँच र वास्तविक आवश्यकतालाई ध्यानमा राखिएको छ। भोटेकोशी तथा तल्लो तटीय क्षेत्रमा पुनःबाढीको जोखिमको निगरानी भइरहेको र सम्भावित जोखिमका क्षेत्रमा पूर्वसूचना तथा सुरक्षित स्थानमा स्थानान्तरणको तयारी गरिएको उनले बताएका छन्।
Advertisement
Advertisement
Advertisement
विनाशकारी बाढीपछि अवरुद्ध सडक सम्पर्क पुनःस्थापनाको काम तीव्र पारिएको भन्दै प्रधानमन्त्री शाहले वैकल्पिक सडकमार्ग सञ्चालनमा ल्याएर साना चारपाङ्ग्रे सवारीसाधन चल्न थालेको तथा काठमाडौं–मुग्लिङ सडक एकतर्फी सञ्चालनमा ल्याइएको जानकारी दिएका छन्।
