

काठमाडौं,१ मंसिर। नेपाल प्रहरीका आईजीपी डा. मनोजकुमार केसीले वित्तीय अपराध नियन्त्रण तथा अनुसन्धानलाई प्रभावकारी बनाउन आधुनिक प्रविधि र वैज्ञानिक अनुसन्धान पद्धतिको प्रयोगलाई प्राथमिकता दिनुपर्ने बताएका छन्।
अपराध अनुसन्धान विभागको ७१औँ स्थापना दिवसका अवसरमा मंगलबार आयोजित ‘वित्तीय अपराध अनुसन्धानः प्रमाण सङ्कलनदेखि फैसलासम्म’ विषयक कार्यशालाको उद्घाटन गर्दै उनले वित्तीय अपराधको स्वरुपमा आएको परिवर्तन र अपराधमा प्रविधिको बढ्दो प्रयोगले अनुसन्धानका क्षेत्रमा नयाँ चुनौती थपिएको बताए।
Advertisement

Advertisement
Advertisement
उनले वित्तीय अपराध नियन्त्रण र अनुसन्धानलाई प्रभावकारी बनाउन सरकारी निकाय, नियामक संस्था, बैंक तथा वित्तीय संस्था र दूरसञ्चार सेवा प्रदायकबीच आपसी समन्वय, सहकार्य तथा सूचनाको प्रभावकारी आदानप्रदान अपरिहार्य रहेको उल्लेख गरे।
उक्त अवसरमा प्रहरी महानिरीक्षक केसीले नेपाल प्रहरीले अनुसन्धान गरेका चर्चित घटनाहरुको सङ्ग्रह–भाग ३ नामक पुस्तकसमेत लोकार्पण गरेका थिए।





