काठमाडौं । आजमतुल्लाह ओमरजाई र मोहम्मद नाबीको सानदार शतकका बाबजुद अफगानिस्तान पहिलो ओडीआई खेलमा घरेलु टोली श्रीलंकासँग ४२ रनले पराजित भएको छ । योसँगै तीन खेलको सिरिजमा श्रीलंकाले १-० को अग्रता लिएको छ ।
जितको लागि ३८२ रनको विशाल विजयी लक्ष्य पछ्याएको अफगानिस्तानले ५० ओभरमा ६ विकेट गुमाउँदै ३३९ रन बनाउन सक्यो । ओमरजाई ११५ बलमा १३ चौका र ६ छक्कासहित १४९ रनमा नट आउट रहेपनि जिताउन पर्याप्त रहेन । मोहम्मद नाबी १३० बलमा १५ चौका र ३ छक्कासहित १३६ रनमा आउट भए । अन्य अफगानि ब्याटरको प्रदर्शन सम्झन लायक रहे ।
Advertisement
Advertisement
Advertisement
एक समय ५५-५ को दयनीय अवस्थामा पुगेको अफगानिस्तानलाई छैटौं विकेटका लागि नाबी र ओमरजाईले २४२ रनको साझेदारी गर्दै खेललाई रमाइलो बनाएका थिए । श्रीलंकाका प्रमोद मदुशानले १० ओभरमा ७५ रन खर्चेर ४ विकेट लिए । दुश्मन्था चमिराले ७.३ ओभरमा ५५ रन खर्चेर २ विकेट लिए ।
त्यसअघि टस हारेर पहिला ब्याटिङको निम्तो पाएको श्रीलंकाले निर्धारित ५० ओभरमा ३ विकेट गुमाउँदै ३८१ रन बनाएको थियो । श्रीलंकाको जितमा पाथुम निसांका १३९ बलमा २० चौका र ८ छक्कासहित २१० रनको अविजित दोहोरो शतकीय इनिङ खेले । निसांका ओडिआईमा दोहोरो शतक हान्ने श्रीलंका पहिलो खेलाडी बनेका छन् ।
