भैरहवा, १९ असार । भैरहवा बहुमुखी क्याम्पसका विधार्थी संगठनहरुले क्याम्पस प्रमुखको कोठामा तालाबन्दी गरेका छन् । मंगलबार नेपाल विधार्थी संघ र अखिल क्रान्तिकारीको क्याम्पस ईकाइले २४ घण्टाको अल्टिमेटम सहित संयुक्त रुपमा विभिन्न सात बुँदे मागहरु राख्दै क्याम्पस प्रमुख अनिलकुमार झालाई पत्र बुझाएको थियो । क्याम्पस प्रमुखको कोठामा प्रशासन शाखा समेत रहेकोले तालाबन्दीले क्याम्पसको प्रशासनिक कार्यमा समेत असर परेको छ ।
आफुहरुले राखेको मागहरुप्रति क्याम्पस प्रशासनद्वारा वेवास्ता गरिएकोले तालाबन्दी गरिएको दुवै विधार्थी संगठनहरुले संयुक्त रुपमा विज्ञप्ती जारी गरी जनाएका छन् । ‘क्याम्पस प्रशासनले मनोमानी ढंगले कार्यहरु गरेको पाईएपछि हामीले मंगलबार २४ घण्टामा सम्बोधन गर्नका लागि सात बुँदे माग राख्दै क्याम्पस प्रमुखलाई पत्र बुझाएका थियौँ’ नेपाल विधार्थी संघका भैरहवा बहुमुखी क्याम्पस ईकाइ सभापति नवराज अर्यालले भने, ‘तर, ‘हाम्रो मागहरुलाई क्याम्पस प्रशासनले वेवास्ता गरेको देखिएपछि तालाबन्दी गरेका हौँ ।’
Advertisement
Advertisement
Advertisement
उनले माग सम्बोधन नभएसम्म तालाबन्दी यथावत रहने र अझै पनि मागहरुप्रति वेवास्ता गरेको पाईएमा क्याम्पस कार्यालयको अन्य शाखाहरु समेत तालाबन्दी गरिने बताए । अखिल क्रान्तिकारीका भैरहवा बहुमुखी क्याम्पस ईकाइ अध्यक्ष मनिष ढकालले क्याम्पस प्रशासनले आफुहरुले राखेको मागहरु हल्का रुपमा लिएर सम्बोधन नगरे आन्दोलनमा उत्रिनमा बाध्य हुने बताए ।
दुवै संगठनका ईकाइ सभापति/अध्यक्ष सहित नेपाल विधार्थी संघ रुपन्देहीका उपसभापति आकाश पौडेल, नेपाल विधार्थी संघका भैरहवा बहुमुखी क्याम्पस ईकाइ उपसभापति उमर बादशाह खान, ईकाइ सचिव विशाल श्रीवास्तवको उपस्थितीमा तालाबन्दी गरिएको हो ।
दुवै संगठनले मंगलबार हालसम्म स्ववियूको सम्पूर्ण हिसाब सबै संगठन समक्ष पेश गर्न देखि लिएर बिबिएस चोथौ वर्षलाई भ्रमण वर्ष भनि छुट्टाईएको विवादित बजेट के आधारमा तोक लगाएर बजेट निकासा गरिएको सम्म क्याम्पस प्रशासनसँग जवाफ खोज्दै पत्र बुझाएका थिए ।
हेर्नुहोस् विज्ञप्ती :
