तौफिकले भने सोध्नुहोस्–लुम्बिनीमा पर्यटकको ओइरो किन लागेन ? रोजगारी किन पाइएन ?

लुम्बिनी, २३ माघ । रुपन्देहीको निर्वाचन क्षेत्र नम्बर ५ बाट राष्ट्रिय स्वतन्त्र पार्टी (रास्वपा) का उम्मेदवार तौफिक अहमद खानले शान्तिका अग्रदुत गौतमबुद्धको जन्मस्थल लुम्बिनीमा पर्यटकको ओइरो लाग्न नसक्नुमा चिन्ता व्यक्त गरेका छन् ।

‘विश्वकै महत्वपूर्ण स्थल लुम्बिनीमा पर्यटकहरुको किन ओइरो लाग्न सकेको छैन् ? अहिलेसम्म नेताहरुले के गरे? कस्तो नीति नियम बनाए ? किन पर्यटकहरु आउन सकेका छैनन् ? यहाँ युवाहरु किन बेरोजगार छन् ? अब प्रश्न गर्नुहोस् ?’ लुम्बिनीमा आयोजित कार्यक्रममा स्थानीयहरुलाई सम्बोधन गर्दै उनले भने, ‘हामीहरु भिजनका साथ आएका छौ, अन्यले नगरेपछि हामी गर्न आएका हौं।’

Advertisement Advertisement

Advertisement Advertisement

Advertisement Advertisement

तीन दलले प्रधानमन्त्रीको कुर्सीलाई म्यूजिकल चेयर बनाएर ६/६ महिना प्रधानमन्त्री पदको बाँडफाँड गर्दा मुलुकमा स्थिरता र समृद्ध हुननसकेको उनको भनाई छ ।

उनले ०६२/६३ को जनआन्दोलन पश्चात मुलुकको व्यवस्था परिवर्तन भएपनि हालसम्म नागरिकको अवस्था परिवर्तन हुन नसकेको बताए । ‘अहिले पनि गरिबीसँग जुध्नु परेको छ । रोजगारी छैन, युवाहरु विदेशिनु परेको छ’, उनले भने, ‘लुम्बिनी जस्तो स्थलबाट पनि रोजगारीका लागि युवाहरु विदेशिनु पर्ने अवस्था निकै दुर्भाग्यपूर्णको विषय हो ।’

र, यो पनि…

रुपन्देही–५ मा तौफिकको योजना : लुम्बिनीबाट गाउँ–गाउँसम्म पर्यटन