मर्चवार, ९ भदौ। रुपन्देहीको कोटहीमाई गाउँपालिकामा कक्षा १२ उत्तीर्ण विद्यार्थी, शिक्षक तथा शिक्षा क्षेत्रमा योगदान पुर्याउने व्यक्तिहरुलाई सम्मान गरिएको छ । कार्यक्रममा उत्कृष्ट नतिजा ल्याउने चार विद्यार्थीलाई साइकलसहित १२० विद्यार्थीलाई सम्मान गरिएको हो।
कोटहीमाई गाउँपालिकाको सभाहलमा आयोजित कार्यक्रममा श्री मर्चवार आदर्श माध्यमिक विद्यालयको गुडिया गुप्ता बनिया (३.११ जीपी), श्री मर्यादपुर माध्यमिक विद्यालयको सीता कुमारी पाल (३.७ जीपीए), श्रीराम माध्यमिक विद्यालयको साधना यादव (३.११ जीपीए) र श्री बोगडी माध्यमिक विद्यालयका अशोक यादव (२.९४ जीपीए) लाई साइकल पुरस्कारसहित सम्मान गरिएको थियो।
Advertisement
Advertisement
Advertisement
चारवटै विद्यालयबाट कक्षा १२ उत्तीर्ण गरेका अन्य विद्यार्थीहरुलाई समेत सम्मान गरिएको आयोजक राहुल यादवले जानकारी दिए।
कार्यक्रममा जनता समाजवादी पार्टी, रुपन्देहीका अध्यक्ष सियाराम यादवले आयोजक राहुल यादवको सामाजिक तथा शैक्षिक क्षेत्रमा गरेको योगदानको प्रशंसा गरे।
जनता समाजवादी विद्यार्थी संगठनका केन्द्रीय उपाध्यक्षसमेत रहेका राहुल यादवले शिक्षा क्षेत्र बलियो भए मात्रै समाजमा सकारात्मक परिवर्तन सम्भव हुने भन्दै विद्यार्थीको मनोबल बढाउन र सही परामर्श दिन यस्ता कार्यक्रमलाई मर्चवारका अन्य पालिकामा समेत विस्तार गर्ने बताए।
