Author: क्लिक लुम्बिनी
क्लिक लुम्बिनी
गौतम बुद्धको जन्मस्थलको नामबाट नामाकरण भएको लुम्बिनी प्रदेशको समग्र गतिविधि पस्किने थलो हो, क्लिक लुम्बिनी डटकम । तपाईंहरुको कुनै सल्लाह, सुझाव र प्रतिक्रिया भए ईमेल गर्नुहोला ।
काठमाडौं,९ कात्तिक । बंगालको खाडीमा विकसित गहिरो न्यूनचापीय प्रणालीको प्रभावले नेपालमा बुधबारदेखि वर्षा र हिमपातको सम्भावना देखिएको छ। मौसममा परिवर्तन आउने अनुमान गर्दै मौसम पूर्वानुमान महाशाखाले सर्वसाधारणलाई आवश्यक सतर्कता अपनाउन आग्रह गरेको छ। मौसम विज्ञान विभागका अनुसार, आगामी बिहीबारदेखि मौसमी प्रणालीको प्रभाव थप देखिनेछ भने शुक्रबार र शनिबार यसको असर बढी पर्ने सम्भावना छ। यस अवधिमा देशका धेरै स्थानमा हल्कादेखि मध्यम वर्षा तथा केही क्षेत्रमा भारी वर्षा हुन सक्ने अनुमान गरिएको छ। विभागको वरिष्ठ मौसमविद् विभूति पोखरेलका अनुसार, उच्च पहाडी तथा हिमाली क्षेत्रमा बाक्लो हिमपात हुनुका साथै हिमआँधीसमेत आउन सक्ने जोखिम छ। त्यसैले मौसम प्रतिकूल हुने अवधिमा पर्वतारोहण तथा उच्च…
भैरहवा,९ कात्तिक । सरकारले देशका आठ प्रमुख सहरमा क्रिकेट रंगशाला निर्माण गर्ने योजना अघि बढाएको छ। होम एन्ड अवे अवधारणामा प्रतियोगिता सञ्चालन गर्न सकिने गरी कम्तीमा ८ हजार दर्शक क्षमताका रंगशाला निर्माण गर्न लागिएको हो। पूर्वाधार विकासमन्त्री सुनिल लम्सालले एनपीएलको तेस्रो संस्करणको अवसरमा शुभकामना सन्देश दिदैं फ्लडलाइट सुविधासहितका रंगशाला निर्माण प्रक्रिया अघि बढाइएको जानकारी दिएका हुन्। उनका अनुसार सरकारले तीन वर्षभित्र निर्माण सम्पन्न गर्ने लक्ष्य राखेको छ। ‘चार्डपर्वहरूका बीच नेपाली क्रिकेटको पर्व, नेपाल प्रिमियर लिगको तेस्रो संस्करण आजदेखि सुरु हुँदैछ,’ उनले भनेका छन्, ‘होम एन्ड अवे आधारमा खेल सञ्चालन गर्न सकिने गरी देशका आठ प्रमुख सहरहरूमा फ्लडलाइटसहित कम्तीमा ८ हजार…
काठमाडौं,६ कात्तिक। अर्थमन्त्री स्वर्णिम वाग्लेले नेपाल र भारतबीचको सम्बन्ध निकै घनिष्ठ र विशेष रहेको बताएका छन्। भारतको नयाँदिल्लीमा आयोजित एनडीटीभी वर्ल्ड समिटमा बोल्दै उनले दुई देशबीच कहिलेकाहीँ उतारचढाव आए पनि सम्बन्धको आधार बलियो रहेको उल्लेख गरे। उनले नेपाल र भारतबीच कहिलेकाहीँ समस्या देखिए पनि त्यसले समग्र सम्बन्धलाई कमजोर नबनाउने बताए। उनले भने, ‘कहिलेकाहीँ उतारचढाव आउन सक्छन्, तर हामी एकअर्कासँग अभिन्नरुपमा जोडिएका छौं।’ वाग्लेले प्राकृतिक विपद्का बेला भारतले नेपाललाई गर्दै आएको सहयोगको प्रशंसा गर्दै प्रधानमन्त्री बालेन्द्र शाह नेतृत्वको सरकारले द्विपक्षीय सम्बन्धलाई थप सुदृढ बनाउन चाहेको बताए। उनले प्रधानमन्त्री शाहको सम्भावित भारत भ्रमणले दुई देशबीचको सम्बन्धलाई नयाँ उचाइमा पुर्याउने विश्वास व्यक्त गरे।…
काठमाडौं,६ कात्तिक। नेपाल राष्ट्र बैंकले वेब प्रविधि (पीएचपी) मा सुरक्षा जोखिमपछि आफ्ना वेबसाइट लगायतका सेवाहरु अस्थायी रुपमा बन्द गरेको छ । बैंकले शुक्रबार एक विज्ञप्ती जारी गर्दै वेब प्रविधिमा विश्वव्यापी रुपमा गम्भीर सुरक्षा जोखिम देखिएपछि आफ्नो आधिकारिक वेबसाइट लगायतका सेवाहरु अस्थायी रुपमा बन्द गरेको जानकारी गराएको हो। उक्त अवधिमा राष्ट्र बैंकसँग सम्बन्धित आवश्यक सूचना जानकारीका लागि बैंकको आधिकारिक सामाजिक संजालमार्फत उपलब्ध गराइने बताइएको छ।
अर्घाखाँची,६ कात्तिक। लुम्बिनी प्रदेशका मुख्यमन्त्री चेतनारायण आचार्यले सामुदायिक विद्यालयको भौतिक तथा शैक्षिक गुणस्तर सुधारका लागि पूर्वविद्यार्थीहरुको योगदान आवश्यक रहेको बताएका छन्। आफूले अध्ययन गरेको अर्घाखाँचीको मालारानी गाउँपालिका-६, रतनमारेस्थित सिद्धार्थ माध्यमिक विद्यालयमा आयोजित पूर्वविद्यार्थी पुनर्मिलन कार्यक्रमलाई सम्बोधन गर्दै उनले विद्यालयको विकासमा पूर्वविद्यार्थीहरुको भूमिका महत्वपूर्ण हुने बताएका हुन्। विद्यालयबाट शिक्षा हासिल गरेर विभिन्न क्षेत्रमा पुगेका पूर्वविद्यार्थीहरुले आफ्नो ज्ञान, सीप, अनुभव र स्रोतलाई विद्यालयको विकाससँग जोड्न सके शैक्षिक गुणस्तर सुधारमा महत्वपूर्ण सहयोग पुग्ने उनको भनाइ थियो। लुम्बिनी प्रदेश सरकारले सामुदायिक विद्यालयको शैक्षिक गुणस्तर सुधार गर्ने उद्देश्यले पूर्वविद्यार्थीहरुको योगदान बढाउने गरी मेरो विद्यालय मेरो दायित्व कार्यक्रम सञ्चालन गरिरहेको छ । विद्यालयको शैक्षिक उपलब्धि सुधार…
काठमाडौं, २ कात्तिक। राष्ट्रिय जेनजी नागरिक अभियानले लुम्बिनी विकास कोषको उपाध्यक्षमा गायिका आनी छोइङ डोल्मालाई गरिएको नियुक्ति खारेज गर्न माग गर्दै कात्तिक ९ गतेदेखि आन्दोलन गर्ने चेतावनी दिएको छ। सोमबार काठमाडौंमा पत्रकार सम्मेलन गर्दै अभियानले नियुक्ति प्रक्रिया पारदर्शी नभएको भन्दै सरकारसँग निर्णयको औचित्यबारे जवाफ माग गरेको छ। अभियानका संयोजक सुनिल सिंहले नियुक्तिले देशभक्त नेपाली नागरिकको अपमान भएको दाबी गर्दै निर्णय खारेज नभए संघर्षका कार्यक्रम अघि बढाउने बताए। अभियानका प्रतिनिधिहरुले डोल्माको नागरिकता, पृष्ठभूमि तथा नियुक्ति प्रक्रियामाथि प्रश्न उठाउँदै लुम्बिनी विकास कोषको नेतृत्वमा विषयविज्ञ, स्वच्छ छवि भएको र स्थानीय व्यक्तिलाई प्रतिस्पर्धात्मक प्रक्रियाबाट नियुक्त गर्नुपर्ने माग गरेका छन्। अभियानकी अभियन्ता सफलता बोगटीले तीन…
गोरखा, २ कात्तिक। बूढीगण्डकीको बाढीले बगाएको गोरखा र धादिङ जोड्ने आरुघाटको मोटरेबल पुल ६ दिनमै मर्मत गरिएको छ। पुलको क्षतिग्रस्त भागमा २२ मिटर लामो र चार मिटर चौडाइको बेलिब्रिज जडान गरेपछि सवारी आवागमन सुरु भएको हो। गत असोज २५ गते आएको बाढीले पुलको गोरखातर्फको भाग बगाएपछि आरुघाट बजार र पृथ्वीराजमार्गबीचको आवागमन अवरुद्ध भएको थियो। दसैँका बेला उत्तरी गोरखाका बासिन्दालाई आवतजावतमा समस्या भएपछि गोरखा सडक योजना कार्यालय र नेपाली सेनाले संयुक्त रुपमा मर्मतको काम गरेका हुन्। गोरखा सडक योजना कार्यालयका प्रमुख विनोद पुनका अनुसार रातदिन काम गरेर पुल मर्मत सम्पन्न गरिएको हो। पुलको दुवैतर्फ जीप तयार गर्ने काम कार्यालयले गरेको थियो…
भैरहवा, २ कार्तिक। जिल्ला प्रहरी कार्यालय रुपन्देहीले चाडपर्वलक्षित गर्दै सर्वसाधारणलाई सुरक्षा सतर्कता अपनाउन आग्रह गरेको छ। चाडपर्वका समयमा हुन सक्ने आपराधिक घटनाबाट बच्न आवश्यक सावधानी अपनाउँदै सुरक्षित रुपमा पर्व मनाउन प्रहरीले सर्वसाधरणका लागि १५ बुँदे ‘सेक्युरिटी एडभाइजरी’ जारी गरेको छ। सोमबार जारी गरिएको ‘सेक्युरिटी एडभाइजरी’ मा घरको सुरक्षा, जुवा नखेल्न, व्यक्तिगत क्रियाकलाप सामाजिक संजालबाट प्रवाह नगर्नदेखि लिएर अपराधिक क्रियाकलाप नगर्नसम्म आग्रह गरिएको छ। पढ्नुहोस् प्रहरीले जारी गरेको ‘सेक्युरिटी एडभाइजरी’ :
लुम्बिनी, २ कार्तिक। लुम्बिनी विकास कोषको उपाध्यक्षमा गायिका आनी छोइङ डोल्मालाई नियुक्त गर्ने सरकारको निर्णयको विरोध सुरु भएको छ। लुम्बिनी बचाउ महाअभियान, राष्ट्रिय जेनजी नागरिक अभियान लगायतले नियुक्तिको विरोध गर्दै तत्काल निर्णय खारेज गर्न माग गरेका छन्। माग सम्बोधन नभए आन्दोलनमा उत्रिने उनीहरुले चेतावनी दिएका छन्। गत असोज ३० गते बसेको मन्त्रिपरिषद् बैठकले संस्कृति, पर्यटन तथा नागरिक उड्डयन मन्त्रालयको प्रस्तावमा डोल्मालाई लुम्बिनी विकास कोषको उपाध्यक्षमा नियुक्त गर्ने निर्णय गरेको थियो। उपाध्यक्षमा नियुक्त भएको डोल्माको नेपाली नागरिकताको प्रमाणपत्र, हङकङबाट आएको भनिएको करोडौँ रुपैयाँ र त्यससम्बन्धी विषयमा सम्पत्ति शुद्धीकरण अनुसन्धान विभागले गरेको छानबिनबारे समेत प्रश्न उठाइएको छ। लामो समयदेखि रिक्त रहेको उपाध्यक्ष…
दाङ,३१ असोज। लुम्बिनी प्रदेशका मुख्यमन्त्री चेतनारायण आचार्यले वडादसैंले नेपालीबीच आपसी सद्भाव, भाइचारा, राष्ट्रिय एकता र सहकार्यको भावना बलियो बनाउने विश्वास व्यक्त गरेका छन्। वडादसैं–२०८३ को अवसरमा शुभकामना सन्देश जारी गर्दै मुख्यमन्त्री आचार्यले चाडपर्वहरु विविध जातजाति, भाषा, धर्म र संस्कृतिलाई जोड्ने साझा आधार भएको उल्लेख गरेका हुन्। यस्ता पर्वले नेपाली पहिचानलाई बलियो बनाउनुका साथै मौलिक कला, संस्कृति र परम्पराको संरक्षणमा महत्वपूर्ण योगदान पुर्याएको उनको भनाई छ। उनले विविधताबीचको एकतालाई अझ सुदृढ बनाउनु सबैको साझा दायित्व भएको उल्लेख गर्दै दसैंले नेपालीबीच सद्भाव र सहकार्यको भावना थप प्रगाढ बनाउने विश्वास व्यक्त गरे। शुभकामना सन्देशमा मुख्यमन्त्री आचार्यले पछिल्ला वर्षमा जलवायु परिवर्तनका कारण बाढी, पहिरो…